(ພາບ: ອິນເຕີແນດ)
(vovworld) – ວັນທີ 18/6, ຄະນະຜູ້ແທນສະຫະພາບເອີລົບ ອີຢູ (EU) ປະຈຳຮ່າໂນ້ຍ ໄດ້ຈັດການປະຊຸມຂ່າວ ສະເໜີປື້ມປົກຂຽວ ອີຢູ ສະບັບປີ 2013. ປື້ມຫົວນີ້ໜາ 104 ໜ້າ ເຊິ່ງໄດ້ລວບລວມບັນດານະໂຍບາຍໃໝ່ສຸດກ່ຽວກັບການພັດທະນານະໂຍບາຍ, ແຫຼ່ງທຶນຊ່ວຍເຫຼືອ ແລະ ຂົງເຂດຮ່ວມມືລະຫວ່າງອີຢູ ແລະ ຫວຽດນາມ ປີ 2012. ທີ່ການປະຊຸມຂ່າວ, ທ່ານ Franz Jessen, ເອກອັກຄະລັດຖະທູດສະຫະພາບເອີລົບປະຈຳຫວຽດນາມ ກ່າວຄຳເຫັນໂດຍເນັ້ນໜັກວ່າ: “ພວກຂ້າພະເຈົ້າເຊື່ອໝັ້ນວ່າການໜູນຊ່ວຍສອງຝ່າຍໃຫ້ຫວຽດນາມ ຈະປະກອບສ່ວນຊຸກຍູ້ວິວັດການປະຕິຮູບນະໂຍບາຍໃນຫຼາຍຂົງເຂດຄືບັນດາຂໍ້ກຳນົດດ້ານກົດໝາຍ, ການຄຸ້ມຄອງການເງິນຂອງລັດ ແລະ ສາທາລະນະສຸກ. ພວກຂ້າພະເຈົ້າກໍ່ໜູນຊ່ວຍຫວຽດນາມ ເຊື່ອມໂຍງເຂົ້າພາກພື້ນ, ເພີ່ມທະວີການຮ່ວມມືໃນບັນດາຂົງເຂດພະລັງງານ, ການທ່ອງທ່ຽວ, ການປ່ຽນແປງຂອງດິນຟ້າອາກາດ ແລະ ສິ່ງແວດລ້ອມ“