(vovworld) - ວັນທີ 03/06, ສ.ເກົາຫຼີ ແລະ ອາເມລິກາ ເລີ່ມຕົ້ນເປີດກວ້າງບັນດາການເຈລະຈາກ່ຽວກັບການພິຈາລະນາຂໍ້ຕົກລົງດ້ານນິວເຄຼຍພົນລະເຮືອນຄືນໃໝ່, ໃນນັ້ນຮຽກຮ້ອງໃຫ້ ເຊີອຸນເພີ່ມທະວີສິດຜະລິດເຊື້ອໄຟນິວເຄຼຍຂອງຕົນ. ຕາມສຳນັກຂ່າວສານ Yonhap ຂອງ ສ.ເກົາຫຼີ ແລ້ວ, ໃນການປຶກສາຫາລືກັບຜູ້ຊ່ວຍວຽກລັດຖະມົນຕີການຕ່າງປະເທດອາເມລິກາ ຜູ້ຮັບຜິດຊອບຄວາມໝັ້ນຄົງສາກົນ ແລະ ບໍ່ແຜ່ຂະຫຍາຍອາວຸດນິວເຄຼຍ ທ່ານ Thomas Countryman, ຫົວໜ້າຄະນະເຈລະຈາ 6 ຝ່າຍຂອງສ.ເກົາຫຼີ ທ່ານ Pack Ro Byug ຖືວ່າ ສຳພັນທະມິດອາເມລິກາ - ສ.ເກົາຫຼີ “ເປັນແກ່ນສານທີ່ຫຼັກແຫຼ່ງ” ສຳລັບສັນຕິພາບ ແລະ ສະຖຽນລະພາບຢູ່ອາຊີຕາເວັນອອກສຽງເໜືອ ແລະ ບົດບາດນີ້ “ຈະໄດ້ສ່ອງແສງຜ່ານເລື່ອງຮັບຮອງເອົາການພິຈາລະນາຂໍ້ຕົກລົງນິວເຄຼຍຄືນໃໝ່” ລະຫວ່າງ 2 ປະເທດ. ສ່ວນທ່ານ Countryman ເນັ້ນໜັກວ່າ ວໍຊິງເຕັນ ໃຫ້ຄຳໝັ້ນສັນຍາຈະຊອກຫາບັນດາມາດຕະການດ້ານເຕັກນິກ ແລະ ເສດຖະກິດເພື່ອແນໃສ່ເພີ່ມທະວີການພົວພັນກັບສ.ເກົາຫຼີ.