ຫວຽດນາມຄັດຄ້ານ ບໍລິສັດຈີນ ເຊື້ອເຊີນເຂົ້າຮ່ວມການປະມູນ ຢູ່ໝູ່ເກາະ ຮ່ວາງຊາ
ໂຄສົກກະຊວງການຕ່າງປະເທດຫວຽດນາມ ທ່ານ Luong Thanh Nghi
(ພາບ: bongoaigiao.com)
|
Vovworld- ວັນທີ 31/8 ເມືອ່ຕອບສຳພາດຕໍ່ນັກຂ່າວກ່ຽວກັບປະຕິກິລີຍາຂອງຫວຽດນາມຕໍ່ໜ້າເລື່ອງເມືອ່ວັນທີ 28/8 ທີ່ຜ່ານມາ, ບໍລິສັດໃຫຍ່ນ້ຳມັນອາຍແກັສ ຫາຍຢາງ ຂອງຈີນປະກາດເຊື້ອເຊີນເຂົ້າຮ່ວມການປະມູນສາກົນສຳລັບເຂດບໍ່ນ້ຳມັນ 26 ແຫ່ງ, ໃນນັ້ນມີເຂດບໍ່ນ້ຳມັນ 65/12 ຫ່າງຈາກໝູ່ເກາະ ຮ່ວາງຊາຂອງຫວຽດນາມປະມານ 3 ໄມທະເລ, ໂຄສົກກະຊວງການຕ່າງປະເທດຫວຽດນາມ ທ່ານ Luong Thanh Nghi ໄດ້ຊີ້ແຈ້ງວ່າ : ເລື່ອງຈີນປະກາດເຊື້ອເຊີນເຂົ້າຮ່ວມການປະມູນສາກົນຢູ່ເຂດບໍ່ນ້ຳມັນດັ່ງກ່າວ ແມ່ນໄດ້ລ່ວງລ້ຳອະທິປະໄຕຂອງຫວຽດນາມທີ່ມີຕໍ່ໝູ່ເກາະ ຮ່ວາງຊາຂອງຫວຽດນາມ, ໄປຝືນກັບຄວາມຮັບຮູ້ລວມຂອງການນຳຂັ້ນສູງຂອງ 2 ປະເທດ, ໄປຝືນກັບຖະແຫຼງການກ່ຽວກັບວິທີການປະພຶດຂອງຝ່າຍຕ່າງໆຢູ່ທະເລຕາເວັນອອກຊຶ່ງໄດ້ລົງນາມເມື່ອປີ 2002 ລະຫວ່າງ ອາຊຽນ ແລະ ຈີນ ( DOC ), ແມ່ນການກະທຳລະເມີດກົດໝາຍ ແລະ ບໍ່ມີຄຸນຄ່າແຕ່ຢ່າງໃດ.
ຫວຽດນາມຄັດຄ້ານການກະທຳດັ່ງກ່າວຂອງຈີນ ແລະ ຮຽກຮ້ອງໃຫ້ຝ່າຍຈີນຈົ່ງລົບລ້າງການເຊື້ອເຊີນເຂົ້າຮ່ວມການປະມູນສາກົນສຳລັບເຂດບໍ່ນ້ຳມັນ ດັ່ງກ່າວໃນທັນທີ່.