ຫວຽດນາມຈະເປັນ ເຈົ້າພາບຈັດຕັ້ງກອງປະຊຸມສະມັດຊາໃຫຍ່ສະຫະພັນບັນດານັກຂ່າວອາຊຽນໃນປີ 2015
ບັນດາຜູ້ແທນເຂົ້າຮ່ວມກອງປະຊຸມໃນຕອນເຊົ້າວັນທີ 12/9
(ພາບ: baomoi.com)
(vovworld) - ກອງປະຊຸມຄະນະຜູ້ອຳນວຍການສະຫະພັນບັນດານັກຂ່າວ ອາຊຽນ ໄດ້ດຳເນີນໃນຕອນເຊົ້າວັນທີ 12/9, ຢູ່ຮ່າໂນ້ຍ ດ້ວຍການເຂົ້າຮ່ວມຂອງຜູ້ຕາງໜ້າວົງການນັກຂ່າວ ອາຊຽນ. ນີ້ແມ່ນເຫດການໂດຍສະມາຄົມນັກຂ່າວ ຫວຽດນາມ ເປັນເຈົ້າພາບຈັດຕັ້ງ, ແມ່ນການເຄື່ອນໄຫວມີຄວາມໝາຍແທດຈິງ ກ່ອນທີ່ ອາຊຽນ ກາຍເປັນປະຊາຄົມໃນປີ 2015. ທີ່ກອງປະຊຸມ, ຄະນະຜູ້ອຳນວຍການສະຫະພັນບັນດານັກຂ່າວ ອາຊຽນ ປຶກສາຫາລື ແລະ ຕົກລົງຫຼາຍເນື້ອໃນສຳຄັນ. ໃນນັ້ນ, ກອງປະຊຸມໄດ້ເປັນເອກະສັນຮັບຮອງເອົາຂໍ້ຕົກລົງເພື່ອໃຫ້ສະມາຄົມນັກຂ່າວ ຫວຽດນາມ ເປັນເຈົ້າພາບຈັດຕັ້ງກອງປະຊຸມໃຫຍ່ສະຫະພັນບັນດານັກຂ່າວ ອາຊຽນ ຄັ້ງທີ 18 ໃນປີ 2015. ປະທານສະມາຄົມນັກຂ່າວ ຫວຽດນາມ ຈະດຳລົງຕຳແໜ່ງເປັນປະທານສະຫະພັນບັນດານັກຂ່າວ ອາຊຽນ ໃນອາຍຸການ 2 ປີ.
ສະຫະພັນບັນດານັກຂ່າວ ອາຊຽນ ໄດ້ຮັບການຈັດຕັ້ງໃນປີ 1975 ເພື່ອແນໃສ່ເພີ່ມທະວີພັດທະນາພາກພື້ນ ອາຊຽນ, ຊຸກຍູ້ບັນດາການພົວພັນຮ່ວມມືແໜ້ນແຟ້ນກ່ວາອີກ, ຮ່ວມມືພັດທະນາພື້ນຖານສື່ມວນຊົນຢ່າງເສລີ, ມີຄວາມຮັບຜິດຊອບ. ເດືອນ 7/1995, ສະມາຄົມນັກຂ່າວ ຫວຽດນາມ ໄດ້ເຂົ້າເປັນສະມາຊິກຂອງສະຫະພັນບັນດານັກຂ່າວ ອາຊຽນ. ຈາກນັ້ນ ມາຮອດປະຈຸບັນ, ການພົວພັນມິດຕະພາບ ແລະ ການຮ່ວມມືລະຫວ່າງສະມາຄົມນັກຂ່າວ ຫວຽດນາມ ແລະ ສະຫະພັນບັນດານັກຂ່າວ ອາຊຽນ ກໍ່ຄືກັບບັນດາສະມາຊິກສະມາຄົມນັກຂ່າວຂອງອົງການນີ້ມີບາດກ້າວພັດທະນາຢ່າງເລິກເຊິ່ງ, ກ້ວາງຂວາງ ແລະ ມີປະສິດທິຜົນ.