ອັດປີມິດຕະພາບຫວຽດນາມ - ອິນເດຍ
ພິທີອັດປີມິດຕະພາບຫວຽດນາມ - ອິນເດຍ 2012 ຢູ່ New Delhi
(ພາບ: VGP/Xuân Tuyến)
(vovworld) – ຕອນຄຳ່ວັນທີ 9/1, ຢູ່ New Delhi, ໄດ້ດຳເນີນພິທີອັດປີມິດຕະພາບຫວຽດນາມ - ອິນເດຍ 2012. ກ່າວຄຳເຫັນນະພິທີ, ທ່ານຮອງລັດຖະມົນຕີການຕ່າງປະເທດ ຫວຽດນາມ ບູ໋ຍແທງເຊີນ ສະແດງຄວາມຫວັງຢາກເພີ່ມທະວີການຮ່ວມມືກັບ ອິນເດຍ ໃນບັນດາຂົງເຂດ ເຊິ່ງ ອິນເດຍ ມີທ່າແຮງຄື: ການສຶກສາບຳລຸງສ້າງ, ວິທະຍາສາດເຕັກໂນໂລຢີ, ພິເສດແມ່ນເຕັກໂນໂລຢີຂໍ້ມູນຂ່າວສານ, ເຕັກໂນໂລຢີຊີວະວິທະຍາ, ເຕັກໂນໂລຢີນາໂນ, ເຕັກໂນໂລຢີນິວເຄຼຍຮັບໃຊ້ຈຸດປະສົງສັນຕິພາບ. ທ່ານຮອງລັດຖະມົນຕີການຕ່າງປະເທດ ອິນເດຍ Sanjay Singh ສະແດງຄວາມເພິ່ງພໍໃຈຕໍ່ຜົນສຳເລັດຂອງປີ ມິດຕະພາບຫວຽດນາມ - ອິນເດຍ 2012 ແລະ ການພັດທະນາຢ່າງຕັ້ງໜ້າຂອງສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີງາມລະຫວ່າງ 2 ປະເທດ ໃນ 40 ປີທີ່ຜ່ານມາ, ເປັນຕົ້ນແມ່ນນັບແຕ່ເວລາ 2 ປະເທດສ້າງຕັ້ງການພົວພັນຄູ່ຮ່ວມມືຍຸດທະສາດໃນປີ 2007. ທ່ານຮອງລັດຖະມົນຕີການຕ່າງປະເທດ ອິນເດຍ ຖືວ່າ: ໝາກຜົນອັນຕັ້ງໜ້າດັ່ງກ່າວ ຈະສ້າງທ່ວງທ່າໃຫ້ແກ່ການພັດທະນາການພົວພັນຮ່ວມມືລະຫວ່າງ 2 ປະເທດ ໃນຂົງເຂດການເມືອງ, ເສດຖະກິດ, ການປ້ອງກັນຊາດ - ປ້ອງກັນຄວາມສະຫງົບ, ວິທະຍາສາດເຕັກໂນໂລຢີ ແລະ ວັດທະນະທຳການສຶກສາໃນໄລຍະທີ່ຈະມາເຖິງ ໃຫ້ດີຍິ່ງຂຶ້ນອີກ.