ອາເມລິກາອາດຈະສະໜອງອາວຸດໃຫ້ກອງທັບຢູແກຼນ
(ພາບປະກອບ: TTXVN)
(vovworld) – ອຳນາດການປົກຄອງຂອງທ່ານປະທານາທິບໍດີອາເມລິກາ Barack Obama ອາດຈະສະໜອງອາວຸດໃຫ້ກອງທັບຢູແກຼນ ທີ່ພວມທຳການສູ້ຮົບຢູ່ພາກຕາເວັນອອກຢູແກຼນ. ກ່າວຄຳເຫັນໃນວັນທີ 21/02, ພາຍຫຼັງການເຈລະຈາກັບຄູ່ຮ່ວມຕຳແໜ່ງອັງກິດທ່ານ Philip Hammond, ທ່ານລັດຖະມົນຕີການຕ່າງປະເທດອາເມລິກາ John Kerry ພວມຢູ່ຢ້ຽມຢາມ ລອນດອນ ໃຫ້ຮູ້ວ່າ, ໃນ 2 - 3 ວັນຈະມາເຖິງ, ທ່ານປະທານາທິບໍດີ Obama ຈະຕັດສິນບັນດາບາດກ້າວຕໍ່ໄປ ເພື່ອແກ້ໄຂການປະທະກັນດ້ານການທະຫານຢູ່ພາກຕາເວັນອອກຢູແກຼນ ແລະ ອາດຕົກລົງບາງບັນຫາ, ລວມທັງການສະໜອງອາວຸດໃຫ້ກອງທັບກີແອບ ກໍ່ຄືຮັດແໜ້ນບັນດາມາດຕະການລົງໂທດລັດເຊຍ.