(ພາບ:tienphong.vn)
( vovworld ) – ພິທີເປີດສາກລາຍການຖີບລົດຖີບມິດຕະພາບຊາວໜຸ່ມຫວຽດນາມ-ລາວ ໄດ້ຖືກຈັດຂຶ້ນໃນຕອນເຊົ້າວັນທີ 29/7 ຢູ່ຮ່າໂນ້ຍ. ດ້ວຍຫົວຂໍ້ເພື່ອສິ່ງແວດລ້ອມ ແລະ ການພັດທະນາແບບຍືນຍົງນັ້ນ, ລາຍການຖີບລົດຖີບຈະດຳເນີນໃນເສັ້ນທາງຍາວ 700 ກມ, ເລີ່ມແຕ່ຮ່າໂນ້ຍ-ຫວຽດນາມ ແລະ ຈະສີ້ນສຸດຢູ່ວຽງຈັນ-ລາວ ແຕ່ວັນທີ 29/7-6/8. ການເຄື່ອນໄຫວດັ່ງກ່າວແມ່ນນອນໃນບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ແລະ 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງສອງປະເທດ ຫວຽດນາມ ແລະ ລາວ. ທ່ານ Nguyen Ngoc Sinh ປະທານສະມາຄົມປົກປັກຮັກສາທຳມະຊາດ ແລະ ສິ່ງແວດລ້ອມຫວຽດນາມ ໃຫ້ຮູ້ວ່າ: ລາຍການຖີບລົດຖີບມິດຕະພາບຫວຽດນາມ-ລາວຄັ້ງນີ້ ແມ່ນການກະທຳປະກອບສ່ວນໃຫ້ປະຊາຄົມນັກທຸລະກິດ ແລະ ປະຊາຊົນສອງປະເທດມີສະຕິຄວາມຮັບຮູ້ຢ່າງຈະແຈ້ງຕໍ່ຄວາມຈຳເປັນຕ້ອງຮ່ວມມືລົງທຶນພັດທະນາເສດຖະກິດຕາມຕິດຍືນຍົງ, ຮູ້ວິທີປະຢັດ ແລະ ນຳໃຊ້ຊັບພະຍາກອນທຳມະຊາດຢ່າງເໝາະສົມ, ປະກອບສ່ວນປັບປຸງ ແລະ ພັດທະນານ້ຳໃຈສາມັກຄີມິດຕະພາບ ພ້ອມທັງເພື່ອສຶກສາບັນດາຄວາມຮູ້ ແລະ ບົດຮຽນທີ່ມີປະໂຫຍດໃຫ້ລຸ້ນໜຸ່ມສອງປະເທດຫວຽດນາມ-ລາວ ເພື່ອສ້າງສາ ແລະ ພັດທະນາປະເທດຊາດ.