ທ່ານເອກອັກຄະລັດຖະທູດຫວຽດນາມ ຫວຽນແມ້ງຮຸ່ງ ຍື່ນສານຕາຕັ້ງຂຶ້ນ
ທ່ານເລຂາທິການໃຫຍ່, ປະທານປະເທດ ສປປ ລາວ ຈູມມະລີ ໄຊຍະສອນ
(ພາບ: vietnamplus.vn)
(vov) - ວັນທີ 5/12, ຢູ່ນະຄອນຫຼວງວຽງຈັນ, ທ່ານເອກອັກຄະລັດຖະທູດຫວຽດນາມ ຫວຽນແມ້ງຮຸ່ງ ໄດ້ຍື່ນສານຕາຕັ້ງຂຶ້ນທ່ານເລຂາທິການໃຫຍ່, ປະທານປະເທດ ສປປ ລາວ ຈູມມະລີ ໄຊຍະສອນ. ທີ່ການຕ້ອນຮັບພາຍຫຼັງພິທີຍື່ນສານຕາຕັ້ງ, ທ່ານປະທານປະເທດ ສປປ ລາວ ຈູມມະລີ ໄຊຍະສອນ ໄດ້ສະແດງຄວາມເຊື່ອໝັ້ນວ່າ, ໃນໄລຍະປະຕິບັດໜ້າທີ່ການທູດຂອງຕົນ, ທ່ານເອກອັກຄະລັດຖະທູດຫວຽດນາມ ຫງວຽນແມ້ງຮຸ່ງ ຈະປະກອບສ່ວນສຳຄັນ ເຂົ້າໃນການຊຸກຍູ້ການພົວພັນລະຫວ່າງສອງປະເທດ ແລະ ເນັ້ນໜັກວ່າ, ການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດພວມໄດ້ຮັບການພັດທະນາ ແລະ ກ້າວເຂົ້າສູ່ລວງເລິກ. ພັກ, ລັດ ແລະ ປະຊາຊົນລາວ ຈະມານະພະຍາຍາມພ້ອມກັບຫວຽດນາມ ປົກປັກຮັກສາ ແລະ ພັດທະນາການພົວພັນແບບພິເສດລະຫວ່າງສອງປະເທດໃຫ້ນັບມື້ນັບພັດທະນາຢ່າງໝັ້ນຄົງ. ສ່ວນທ່ານເອກອັກຄະລັດຖະທູດຫວຽດນາມ ຫວຽນແມ້ງຮຸ່ງ ກໍ່ສະແດງຄວາມຫວັງວ່າ, ໃນໄລຍະຈະມາເຖິງ, ສອງປະເທດຫວຽດນາມ ແລະ ລາວສືບຕໍ່ເສີມຂະຫຍາຍບັນດາຜົນງານທີ່ບັນລຸໄດ້, ເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດຢ່າງບໍ່ຢຸດຢັ້ງ.