ນະຄອນ ໂຮ່ຈິມີນ ປະຈຸບັນ
ພາບ:internet
|
(vovworld)- ວາລະສານ Forbes ຫາກໍມີບົດຂຽນຍ້ອງຍໍບັນດາການຫັນປ່ຽນຕັ້ງຫນ້າຂອງພື້ນຖານເສດຖະກິດຫວຽດນາມ. Forbes ໄດ້ສັງເຫດວ່າ: ຫວຽດນາມ ບືນຕົວຂຶ້ນພາຍຫລັງ 30 ປີແຫ່ງການປ່ຽນແປງໃຫມ່. ຈາກຫນຶ່ງໃນບັນດາປະເທດທຸກຍາກກວ່າໝູ່ໃນໂລກ, ປະຈຸບັນ ຫວຽດນາມ ກາຍເປັນປະເທດມີລາຍຮັບປານກາງ, ພັດທະນາເສດຖະກິດຕາມການກຳນົດທິດການຕະຫລາດ. ຕາມວາລະສານດັ່ງກ່າວແລ້ວ, ນະຄອນ ໂຮ່ຈິມີນ ໄດ້ຮັບຖືວ່າ ແມ່ນສະຖານທີ່ພັດທະນາຂະຫຍັນຂັນເຄື່ອນກວ່າໝູ່ໃນພາກພື້ນ ດ້ວຍຮູບພາບບັນດາອາຄານຊັ້ນສູງພວມໄດ້ຮັບການກໍ່ສ້າງ. ປະຈຸບັນ ຫວຽດນາມ ຢືນອັນດັບທີ 90 ໃນຈຳນວນ 189 ປະເທດ ມີຄວາມສະດວກໃນການດຳເນີນທຸລະກິດ. ຫວຽດນາມ ມີພົນລະເມືອງຫນຸ່ມກວມອັດຕາສ່ວນສູງ, ແລະ ປະມານ 40% ຈຳນວນພົນລະເມືອງນຳໃຊ້ອິນເຕີນແນັດປະຈຳວັນ. ໂດຍບໍ່ຫົວຊາຕໍ່ບັນດາການກະທົບຢ່າງຫຍໍ້ທໍ້ຈາກວິກິດການເສດຖະກິດປີ 2008, ຫວຽດນາມ ຍັງຄົງບັນລຸລະດັບເຕີບໂຕ GDP 6,3% ໃນ 6 ເດືອນຕົ້ນປີ 2015.