Techmart2015
|
(vovworld)- ຕະຫລາດເຕັກໂນໂລຊີ ແລະ ອຸປະກອນສາກົນຫວຽດນາມປີ 2015 Techmart2015 ຖືກໄຂຂຶ້ນໃນຕອນຄ່ຳວັນທີ 1/10 ຢູ່ ຮ່າໂນ້ຍ ດ້ວຍຫົວຂໍ້ວ່າ: ຮ່ວມສຳພັນພ້ອມກັບການເຊື່ອມໂຍງ ແລະ ພັດທະນາແບບຍືນຍົງ. ນີ້ແມ່ນ Techmart ທຳອິດຜັນຂະຫຍາຍໂຄງການພັດທະນາຕະຫລາດວິທະຍາສາດ ແລະ ເຕັກໂນໂລຊີຮອດປີ 2020 ໂດຍນາຍົກລັດຖະມົນຕີອະນຸມັດ.
ກ່າວຄຳເຫັນທີ່ພິທີໄຂ, ທ່ານ ຫງວຽນກວານ ລັດຖະມົນຕີວ່າການກະຊວງວິທະຍາສາດ ເຕັກໂນໂລຊີ ຢືນຢັນວ່າ: Techmart2015 ແມ່ນຫນຶ່ງໃນບັນດາເຫດການສຳຄັນຂອງຕະຫລາດເຕັກໂນໂລຊີຫວຽດນາມ ນຳບັນດາໝາກຜົນແຫ່ງການຄົ້ນຄ້ວາວິທະຍາສາດເຕັກໂນໂລຊີເຂົ້າຊີວິດ, ສ້າງຫລາຍຜະລິດຕະພັນມີກຳລັງແກ້ງແຍ້ງສູງໃນຕະຫລາດ, ກຽມພ້ອມໃຫ້ການເຊື່ອມໂຍງຢ່າງເລິກເຊິ່ງກວ້າງຂວາງໃນໄລຍະຈະມາເຖິງ.
“ການເຂົ້າຮ່ວມຂອງບັນດາວິສາຫະກິດເຕັກໂນໂລຊີສູງ, ບັນດາວິສາຫະກິດແຖວຫນ້າໃນສະໂມສອນວິສາຫະກິດນຳຫນ້າ ໄດ້ນຳມາເຊິ່ງກຳລັງຫນູນໃຫມ່ໃຫ້ Techmart. ພວກເຮົາ ເຫັນໄດ້ວ່າ ບໍ່ພຽງແຕ່ບັນດານັກວິທະຍາສາດມີຈິດໃຈວິສາຫະກິດເທົ່ານັ້ນ ຫາກບັນດາວິສາຫະກິດກໍມີຈິດໃຈວິທະຍາສາດ ຊ້ຳບໍ່ໜຳ ບັນດາປະຊາຊົນມີຈິດໃຈເມົາມົວກັບວິທະຍາສາດ. ເຂົ້າຮ່ວມ Techmart2015 ພວກເຮົາພ້ອມກັນເຮັດແນວໃດເພື່ອໃຫ້ວິທະຍາສາດເຕັກໂນໂລຊີຫວຽດນາມເຂົ້າສູ່ຊີວິດ, ການຜະລິດດຳເນີນທຸລະກິດ, ນຳມາເຊິ່ງປະສິດທິຜົນແທດຈິງໃຫ້ແກ່ພື້ນຖານເສດຖະກິດ.”