ເກາະເພັດມະນີ ຝູກວັກ: ກຳລັງດຶງດູດເຮັດໃຫ້ ອາຊີ ແລະ ໂລກຕ້ອງເຊີດຊູ
Le Chi -
(VOVWORLD) - ໃນໜຶ່ງບາດກ້າວກະໂດດຂັ້ນຢືນຢັນທີ່ຕັ້ງໃນແຜນທີ່ທ່ອງທ່ຽວທົ່ວໂລກ, ຝູກວັກ ໄດ້ຮັບການຮັບຮູ້ຢ່າງເປັນທາງການວ່າເປັນເກາະງາມທີ່ສຸດຢູ່ ອາຊີ ແລະ ຢືນອັນດັບທີ 3 ໃນໂລກປີ 2025, ໂດຍອີງຕາມການຕີລາຄາຈາກບັນດານັກຊ່ຽວຊານດ້ານການທ່ອງທ່ຽວແຖວໜ້າ ແລະ ແຂກທ່ອງທ່ຽວສາກົນ.
 |
| ເກາະ ຝູກວັກ, ນະຄອນເກາະແຫ່ງທຳອິດຂອງແຂວງ ກຽນຢາງ ເກົ່າ (ປະຈຸບັນແມ່ນແຂວງ ອານຢານ), ໄດ້ສ້າງສິ່ງມະຫັດສະຈັນຍຸດທະສາດເມື່ອບັນດານັກຊ່ຽວຊານ ແລະ ແຂກທ່ອງທ່ຽວສາກົນໄດ້ຄັດເລືອກເອົາເປັນເກາະສວຍງາມທີ່ສຸດຢູ່ ອາຊີ, ຢືນອັນດັບທີ 3 ໃນທົ່ວໂລກປີ 2025. |
 |
| ເກາະເພັດມະນີແມ່ນຊື່ເອີ້ນທີ່ບັນດາແຂກທ່ອງທ່ຽວຕັ້ງໃຫ້ນະຄອນເກາະ ຝູກວັກ. ນີ້ແມ່ນເກາະມີເນື້ອທີ່ກວ້າງທີ່ສຸດຂອງ ຫວຽດນາມ ດ້ວຍ 580 ກິໂລຕາແມັດ. ພ້ອມກັບເກາະໃຫຍ່, ໜ້ອຍ 21 ເກາະຕື່ມອີກ, ສ້າງເປັນນະຄອນໝູ່ເກາະ ຝູກວັກ. |
 |
| ຫວ່າງມໍ່ໆມານີ້, ລາງວັນທ່ອງທ່ຽວ Readers’ Choice Awards 2025 ຂອງວາລະສານ Condé Nast Traveler (ອາເມລິກາ), ປະກາດຈັດ ຝູກວັກ ຢືນຢັນດັບທີ 1 ຢູ່ ອາຊີ ແລະ ຢືນອັນດັບທີ 3 ໃນທົ່ວໂລກ. ຜົນງານນັ້ນແມ່ນການປະສົມກົມກຽວລະຫວ່າງຄວາມງາມຂອງທຳມະຊາດທີ່ຮົກເຮື້ອ ແລະ ຍຸດທະສາດພັດທະນາການທ່ອງທ່ຽວຕາກອາກາດລະດັບສາກົນ. |
 |
| ບັນຊີລາຍຊື່ “ບັນດາເກາະສວຍງາມທີ່ສຸດໃນໂລກ 2025" ການຈັດອັນດັບຕາມທີ່ປະກາດໃນວັນທີ 07 ຕຸລາ. |
 |
| ເກາະ ຝູກວັກ ຂອງ ຫວຽດນາມ ບັນລຸ 95,51/100 ຄະແນນ. ການໃຫ້ຄະແນນນີ້ແມ່ນອີງຕາມຄວາມເພິ່ງພໍໃຈໃນສະຖານທີ່ທ່ອງທ່ຽວ, ໃນຫຼາຍມາດຖານທີ່ແຕກຕ່າງກັນ, ຈາກຄຸນນະພາບການບໍລິການ, ຄວາມງາມຂອງບັນດາຫາດຊາຍທະເລ, ອາຫານການກິນ ຕະຫຼອດກັບຄວາມຮັກແພງແຂກຄົນ. |
 |
| ປະຈຸບັນ, ເກາະເພັດມະນີແຫ່ງນີ້ພຽງຢືນຢູ່ຖັດຈາກສອງເກາະຂອງ ອາເມລິກາ ນັ້ນແມ່ນ Kiawah ແລະ Hilton Head |
 |
| ປີ 2024, ຝູກວັກ ກໍ່ແມ່ນສະຖານທີ່ໜຶ່ງດຽວຂອງ ຫວຽດນາມ ທີ່ລອດເຂົ້າບັນຊີລາຍຊື່ນີ້ຂອງ Condé Nast Traveler. |
 |
| ການລົງເຄື່ອນໄຫວຕົວຈິງທີ່ເປັນຫຼາຍຮູບຫຼາຍແບບ ໄດ້ເປັນການອະທິບາຍໃຫ້ແກ່ກຳລັງດຶງດູດການທ່ອງທ່ຽວຂອງ ຝູກວັກ. |
 |
| ຄົ້ນຫາຂັ້ນຕອນການເຮັດນຳປາແບບຫັດຖະກຳຢູ່ ຝູກວັກ. |
 |
| ໂດຍມີຫາດຊາຍທະເລທີ່ຍາວຢຽດ, ພ້ອມກັບນ້ຳທະເລໃສຂຽວ ແລະ ຊາຍຂາວ, ຝູກວັກ ໄດ້ຮັບຖືວ່າ “ແມ່ນເພັດມະນີເຂດຮ້ອນ” ຂອງພາກພື້ນ ອາຊີຕາເວັນອອກສ່ຽງໃຕ້. |
ໂດຍເລີ່ມເປີດຕົວໃນປີ 1987 ຢູ່ ນິວຢອກ (ອາເມລິກາ), Condé Nast Traveler ແມ່ນວາລະສານທ່ອງທ່ຽວດີເດັ່ນແຖວໜ້າໂລກ ດ້ວຍບັນດາບົດຂຽນລົງເລິກ, ພາບຖ່າຍສິລະປະ ແລະ ມູມມອງທີ່ຍອດຍິ່ງກ່ຽວກັບການເດີນທາງທ່ອງທ່ຽວ, ວັດທະນະທຳ, ອາຫານການກິນ ແລະ ວິຖີຊີວິດ.
Le Chi