(vovworld) - ກອງປະຊຸມສຸດພາກພື້ນເຂດນຳໃຊ້ສະກຸນເງິນເອີໂລລວມ (Eurozone) ໄດ້ປຶກສາຫາລືກ່ຽວກັບສະພາບການຂອງເກຼັກ ຫາກໍສິ້ນສຸດລົງໃນຕອນເຊົ້າວັນທີ 08/07, ແຕ່ບໍ່ບັນລຸໄດ້ໝາກຜົນລະອຽດໃດໆ ຍ້ອນທ່ານນາຍົກລັດຖະມົນຕີເກຼັກ Alexis Tipras ບໍ່ຍົກອອກບັນດາຂໍ້ສະເໜີຕາມຄວາມຮຽກຮ້ອງ. ກ່າວຄຳເຫັນພາຍຫຼັງກອງປະຊຸມດັ່ງກ່າວ, ທ່ານນາງນາຍົກລັດຖະມົນຕີເຢຍລະມັນ Angela Merkel ແຈ້ງວ່າ, ການນຳ 28 ປະເທດສະຫະພາບເອີລົບ (EU) ຈະຈັດກອງປະຊຸມຢູ່ບຣຸກແຊນ, ປະເທດແບນຊິກ ໃນວັນທີ 12/07 ຈະມາເຖິງ, ເພື່ອດຳເນີນການປຶກສາຫາລື ທີ່ມີລັກສະນະຕັດສິນໃຫ້ແກ່ບັນຫາໜີ້ສິນຂອງເກຼັກ ກ່ອນວັນທີ 09/07.
ກ່າວຄຳເຫັນພາຍຫຼັງກອງປະຊຸມ, ທ່ານນາຍົກລັດຖະມົນຕີ Alexis Tipras ເນັ້ນໜັກວ່າ, ຂໍ້ຕົກລົງລະຫວ່າງອາແທນ ແລະ ບັນດາເຈົ້າໜີ້ ຕ້ອງແທດເໝາະດ້ານສັງຄົມ ແລະ ສາມາດຮອງຮັບດ້ານເສດຖະກິດ, ຈະໄດ້ສ້າງສຳເລັດໃນທ້າຍອາທິດນີ້.