ບັນດາຜູ້ແທນເຂົ້າຮ່ວມກອງປະຊຸມສຳມະນາ
|
(vovworld)-ຕອນເຊົ້າວັນທີ 25/6, ສະຖາບັນຄົ້ນຄ້ວາຄຸ້ມຄອງເສດຖະກິດສູນກາງ ສົມທົບກັບສະຖານທູດ ແດນມາກ ປະຈຳຮ່າໂນ້ຍ ໄດ້ຈັດຕັ້ງກອງປະຊຸມສຳມະນາ “ສັນຍາການຄ້າເສລີ ຫວຽດນາມ - ສະຫະພາບເອີລົບ- ເນື້ອແທ້ສຳລັບການປະຕິຮູບນະໂຍບາຍ”. ໂດຍເລີ່ມປະຕິບັດແຕ່ເດືອນ 6/2012 ມາຮອດປະຈຸບັນ, ສະຫະພາບເອີລົບ ແລະ ຫວຽດນາມ ໄດ້ຜ່ານການເຈລະຈາຢ່າງເປັນທາງການ 13 ຄັ້ງ ພ້ອມກັບການເຈລະຈາກາງສະໄຫມຫລາຍຄັ້ງ. ປະຈຸບັນ ບັນດາຝ່າຍພວມໃນໄລຍະສຸດທ້າຍ ເພື່ອສິ້ນສຸດການເຈລະຈາ ແລະ ລົງນາມໃນສັນຍາ. ເພາະສະນັ້ນ, ກອງປະຊຸມສຳມະນາ ແມ່ນກາລະໂອກາດເພື່ອໃຫ້ບັນດານັກຄຸ້ມຄອງ, ນັກວາງແຜນກຳນົດນະໂຍບາຍ, ບັນດາສະຫະສະມາຄົມ, ຜູ້ຊ່ຽວຊານ, ປະຊາຄົມວິສາຫະກິດແບ່ງປັນຂໍ້ມູນຂ່າວ, ບົດຮຽນ ກໍຄືຮັບຮູ້ບັນດາກາລະໂອກາດ ແລະ ສິ່ງທ້າທາຍ ເມື່ອເຂົ້າຮ່ວມສັນຍາ. ຕາມຜູ້ແທນຫລາຍທ່ານແລ້ວ, ເມື່ອສັນຍາໄດ້ຮັບການຜັນຂະຫຍາຍຈະນຳມາເຊິ່ງບັນດາຜົນປະໂຫຍດອັນໃຫຍ່ຫລວງສຳລັບພື້ນຖານເສດຖະກິດຂອງຫວຽດນາມ ແລະ ບັນດາການເຄື່ອນໄຫວຂອງວິສາຫະກິດ.