G7 ຄາດວ່າ ຈະລະດົມເງິນເປັນຈຳນວນ 500 ຕື້ USD ເພື່ອໜູນຊ່ວຍການປ້ອງກັນ, ສະກັດກັ້ນໂລກລະບາດໂຄວິດ - 19
(VOVWORLD) -ບັນດາລັດຖະມົນຕີການເງິນ ແລະ ການນຳທະນາຄານຂັ້ນສູງການບັນດາປະເທດ G7 ໄດ້ດຳເນີນກອງປະຊຸມທາງອອນລາຍ ໃນວັນທີ 12 ກຸມພາ, ໃນນັ້ນ ເນື້ອໃນຕົ້ນຕໍ່ແມ່ນປຶກສາຫາລື ກ່ຽວກັບສະພາບການເສດຖະກິດໂລກ ໃນສະພາບການເກີດໂລກລະບາດໂຄວິດ - 19.
 ພາບປະກອບ: EPA |
ກຸ່ມບັນດາປະເທດອຸດສາຫະກຳພັດທະນາແຖວໜ້າໂລກ (G7) ລວມມີ ອັງກິດ, ຝລັ່ງ, ອາເມລິກາ, ການາດາ, ອີຕາລີ, ເຢຍລະມັນ ແລະ ຍີ່ປຸ່ນ ພວມພິຈາລະນາຄວາມເປັນໄປໄດ້ໃນການລະດົມເງິນເປັນຈຳນວນ 500 ຕື້ USD ຜ່ານກອງທຶນເງິນຕາສາກົນ (IMF) ເພື່ອໜູນຊ່ວຍໃຫ້ແກ່ບັນດາປະເທດ ທຸກຍາກທີ່ສຸດໃນໂລກ ໃນບັ້ນຕໍ່ສູ້ຕ້ານໂລກລະບາດໂຄວິດ - 19 ນີ້. ບັນດາລັດຖະມົນຕີການເງິນ ແລະ ການນຳທະນາຄານຂັ້ນສູງການບັນດາປະເທດ G7 ໄດ້ດຳເນີນກອງປະຊຸມທາງອອນລາຍ ໃນວັນທີ 12 ກຸມພາ, ໃນນັ້ນ ເນື້ອໃນຕົ້ນຕໍ່ແມ່ນປຶກສາຫາລື ກ່ຽວກັບສະພາບການເສດຖະກິດໂລກ ໃນສະພາບການເກີດໂລກລະບາດໂຄວິດ - 19. G7 ອາດຈະຍົກອອກບັນດາຄຳຕັດສິນສຳຄັນ, ເປັນຕົ້ນແມ່ນການແບ່ງປັນສິດຖອນທຶນພິເສດ (SDR). ເມື່ອປີ 2009, SDR ໄດ້ຊ່ວຍເຫຼືອເງິນເປັນຈຳນວນ 183 ຕື້ USDໃຫ້ບັນດາປະເທດເພື່ອແກ້ໄຂຜົນກະທົບຈາກການວິກິດການດ້ານການເງິນໃນທົ່ວໂລກ.