(vovworld) - ກ່າວຄຳເຫັນທີ່ກອງປະຊຸມສຳມະນາເຜີຍແຜ່ກົດໝາຍວ່າດ້ວຍການປະມູນ ໃນຕອນເຊົ້າວັນທີ 13/02, ທ່ານເລວັນຕັງ, ຫົວໜ້າກົມ, ກົມຄຸ້ມຄອງການປະມູນ, ກະຊວງແຜນການ ແລະ ການລົງທຶນຫວຽດນາມ ໃຫ້ຮູ້ວ່າ ກົດໝາຍວ່າດ້ວຍການປະມູນ ປີ 2013 ຈະປົວແປງວຽກງານຄຸ້ມຄອງລັດກ່ຽວກັບການເຄື່ອນໄຫວການປະມູນຢ່າງລະອຽດ ປະກອບສ່ວນເພີ່ມທະວີຜະສິດທິຜົນແຫ່ງການນຳໃຊ້ແຫຼ່ງທຶນຂອງລັດ. ທ່ານກ່າວວ່າ.
“ກົດໝາຍວ່າດ້ວຍການປະມູນປີ 2013 ມີຜົນບັງຄັບໃຊ້ໃນຕົວຈິງ ຈະນຳມາເຊິ່ງບາດກ້າວຫັນປ່ຽນຢ່າງໃຫຍ່ຫຼວງ. ກ່ອນນີ້, ຂໍ້ກຳນົດຂອງບັນດາໂຄງການລົງທຶນຂອງລັດວິສາຫະກິດຕ້ອງມີການເຂົ້າຮ່ວມຂອງລັດແຕ່ 30% ຂຶ້ນໄປ ນຳໃຊ້ລະບຽບການການເງິນ ແລະ ໃນຄັ້ງນີ້, ກົດໝາຍກຳນົດວ່າ ບໍ່ວ່າແຫຼ່ງທຶນໃດໆ ແມ່ນຂອງລັດວິສາຫະກິດ ຕ້ອງນຳໃຊ້ບັນດາລະບຽບການການເງິນ. ກົດໝາຍສະບັບກ່ອນບໍ່ທັນໄດ້ກຳນົດກ່ຽວກັບບັນດາໂຄງການຂອງລັດ, ບັນດາໂຄງການລົງທຶນຈາກຕ່າງປະເທດ... ໃນຄັ້ງນີ້ ບັນດາບັນຫານຳໃຊ້ແຫຼ່ງທຶນຂອງລັດນັ້ນ ກົດໝາຍຄັ້ງນີ້ໄດ້ກຳນົດນຳໃຊ້ລະບຽບການການເງິນ ແລະ ຈະມີບັນດາບາດກ້າວຫັນປ່ຽນໃໝ່ ແລະ ແນ່ນອນວ່າຈະມີປະສິດທິຜົນກວ່າໄລຍະກ່ອນ”.