ຫວຽດນາມ ແລະ ແງ່ຫວັງເສດຖະກິດ
(ພາບ:tinmoi.vn)
(VOV)- ຕອນເຊົ້າວັນທີ 7/12, ຢູ່ຮ່າໂນ້ຍ, ກະຊວງແຜນການ ແລະ ການລົງທຶນຫວຽດນາມ ໄດ້ຈັດ ກອງປະຊຸມສຳມະນາ “ເສດຖະກິດຫວຽດນາມ ປີ 2012-ແງ່ຫວັງພັດທະນາໃນປີ 2013“.
ຄາດວ່າ, ປີ 2012, ລະດັບການຈະເລີນເຕີບໂຕຂອງຫວຽດນາມ ບັນລຸພຽງ 5,2% ເທົ່ານັ້ນ ແລະ ເຖິງວ່າບໍ່ບັນລຸຄາດໝາຍທີ່ໄດ້ວາງອອກຄື 6% ແຕ່ເສດຖະກິດຫວຽດນາມ ພັດບັນລຸໄດ້ຈຸດໝາຍຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້. ທ່ານນາງຟໍທິກີມຈີ, ຫົວໜ້າພະແນກວິເຄາະ ແລະ ຄາດຄະເນ, ສູນຖະແຫຼງຂ່າວ ແລະ ຄາດຄະເນເສດຖະກິດສັງຄົມຫວຽດນາມ ຖືວ່າ:
“ໃນປີ 2012, ການບໍລິຫານດ້ານເສດຖະກິດຂອງລັດຖະບານຫວຽດນາມ ໄດ້ຕິດພັນກັບການຜັນແປຂອງເສດຖະກິດທີ່ສຸດ. ເຖິງວ່າ ບໍ່ທັນບັນລຸໄດ້ຄາດໝາຍການເຕີບໂຕຄືດັ່ງການລໍຄອຍກໍ່ຕາມແຕ່ການບໍລິຫານກໍ່ນັບມື້ນັບຕິດພັນກ່ວາ ແລະ ໄປຄຽງຄູ່ກັບການຜັນແປຂອງພື້ນຖານເສດຖະກິດພາຍໃນປະເທດ“
ໃນປີ 2013, ເສດຖະກິດຫວຽດນາມ ອາດຈະຟື້ນຕົວທ່າເຕີບໂຕ. ພິເສດ, ໃນປີ 2013, ຄາດວ່າ ແຫຼ່ງເງິນລົງທຶນໂດຍກົງຈາກຕ່າງປະເທດ ແລະ ແຫຼ່ງເງິນໜູນຊ່ວຍການພັດທະນາທາງການ (ODA) ຈະເພີ່ມຂຶ້ນສູງ. ທ່ານດັ້ງຮູຍດົງ, ຮອງລັດຖະມົນຕີກະຊວງແຜນການ ແລະ ການລົງທຶນຫວຽດນາມ ວິເຄາະວ່າ:
“ເພື່ອແກ້ໄຂບັນດາຄວາມຫຍຸ້ງຍາກຢ່າງທັນການ, ສືບຕໍ່ຜ່ານຜ່າສິ່ງທ້າທາຍນັ້ນ, ໄປຄຽງຄູ່ກັບເລື່ອງຕ້ອງມີຄວາມຕັດສິນໃຈດ້ານການເມືອງແລ້ວ, ຕ້ອງມີການຕີລາຄາຢ່າງເລິກເຊິ່ງ ແລະ ພາວະວິໄສຢ່າງແທ້ຈິງກ່ຽວກັບສະພາບປະຈຸບັນ, ອະນາຄົດ, ປະຕິບັດວຽກງານຄາດຄະເນເປັນຢ່າງດີ, ລະດົມບັນດາແຫຼ່ງກຳລັງຢ່າງມີປະສິດທິຜົນ, ສຸມໃສ່ຂຸດຄົ້ນຄວາມສາມາດບົ່ມຊ້ອນ, ທ່າແຮງ, ແກ້ໄຂຄວາມຫຍຸ້ງຍາກ, ຜັນຂະຫຍາຍປະຕິບັດບັນດາມາດຕະການຢ່າງຄົບຊຸດເພື່ອປະຕິບັດບັນດາໜ້າທີ່, ຄາດໝາຍເສດຖະກິດສັງຄົມໄດ້ວາງອອກໃນປີ 2013 ຢ່າງມີໄຊ“