(vovworld) - ສ້າງຍຸດທະສາດວັດທະນະທຳການຕ່າງປະເທດຮອດປີ 2020 ແລະ ວິໄສທັດຮອດປີ 2030 ແມ່ນຫົວຂໍ້ຂອງກອງປະຊຸມສຳມະນາໂດຍກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ຈັດຕັ້ງໃນຕອນເຊົ້າວັນທີ 24/5 ຢູ່ ຮ່າໂນ້ຍ. ກ່າວຄຳເຫັນນະທີ່ນີ້, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ໂຮ່ແອງຕ໋ວນ ຖືວ່າ: ໃນຊຸມປີຜ່ານມາ, ການເຄື່ອນໄຫວວັດທະນະທຳພົວພັນຕ່າງປະເທດຂອງ ຫວຽດນາມ ໄດ້ຕິດພັນ ແລະ ຮັບໃຊ້ແຜນນະໂຍບາຍ “ສືບຕໍ່ຮັກສາສະພາບແວດລ້ອມສັນຕິພາບ ແລະ ສ້າງເງື່ອນໄຂສາກົນທີ່ສະດວກກ່ວາອີກເພື່ອຍູ້ແຮງການພັດທະນາເສດຖະກິດ - ສັງຄົມ, ຫັນເປັນປະເທດອຸດສາຫະກຳ, ທັນສະໄໝ, ສ້າງສາ ແລະ ປົກປັກຮັກສາປະເທດຊາດ” ເປັນຢ່າງດີ. ທີ່ກອງປະຊຸມສຳມະນາ, ບັນດາຜູ້ແທນໄດ້ປຶກສາຫລືກ່ຽວກັບຈຸດໝາຍພັດທະນາວັດທະນະທຳການຕ່າງປະເທດຮອດປີ 2020 ແລະ ວິໄສທັດຮອດປີ 2030 ດ້ວຍເນື້ອໃນຕົ້ນຕໍຄື: ພັດທະນາອຸດສາຫະກຳວັດທະນະທຳຂອງ ຫວຽດນາມ, ຍົກສູງບົດບາດຂອງປະຊາຄົມຫວຽດນາມ ຢູ່ຕ່າງປະເທດ, ພັດທະນາຂະແໜງທ່ອງທ່ຽວ ແລະ ກິລາຂອງ ຫວຽດນາມ.