ການນຳ Kim Jong un ໄປໄວ້ອາໄລສຸສານນັກຮົບເສຍສະຫຼະຊີວິດໃນສົງຄາມ ເກົາຫຼີ
(VOVWORLD) - ວັນທີ 28 ກໍລະກົດ, ສຳນັກຂ່າວສານສູນກາງ (KCNA) ໄດ້ໃຫ້ຂ່າວວ່າ: ການນຳປະເທດນີ້ ທ່ານ Kim Jong-un ໄດ້ກັບເມືອ ພຽງຢາງ ພາຍຫລັງການໄປປະຕິບັດງານຢູ່ບັນດາທ້ອງຖິ່ນເປັນເວລາຫລາຍມື້, ໃນນັ້ນ ມີການເຄື່ອນໄຫວລົງກວດກາສະຖານທີ່ຕໍ່ກ່ຳປັ່ນ ແລະ ບັນດາເຫດຍິງລູກສອນໄຟ.
 ທ່ານ Kim Jong-un ໄດ້ສະແດງຄວາມເຄົາລົບຢູ່ສຸສານນັກຮົບເສຍສະຫຼະຊີວິດໃນສົງຄາມປົດປ່ອຍປະເທດຊາດ (ພາບ: exploredprk.com) |
ກ່ອນໜ້ານັ້ນ, ຕອນເຊົ້າວັນທີ 27 ກໍລະກົດ, ທ່ານ Kim Jong-un ໄດ້ສະແດງຄວາມເຄົາລົບຢູ່ສຸສານນັກຮົບເສຍສະຫຼະຊີວິດໃນສົງຄາມປົດປ່ອຍປະເທດຊາດ ເພື່ອສະເຫຼີມສະຫຼອງ 66 ປີແຫ່ງວັນເຊັນສັນຍາວ່າດ້ວຍການຢຸດຕິການສູ້ຮົບໃນສົງຄາມ ເກົາຫຼີ 1950 – 1953. ວາງພວງມາລາຢູ່ສຸສານ, ທ່ານ Kim Jong-un ໄດ້ຍ້ອງຍໍຊົມເຊີຍຕໍ່ການເສຍສະຫຼະຊີວິດຂອງບັນດາພົນທະຫານ ສປປ.ເກົາຫຼີ ໃນສົງຄາມ ພາຍໃຕ້ການຊີ້ນຳນຳພາຂອງປະທານ ກິມອິນຊຸງ, ພ້ອມທັງຢັ້ງຢືນວ່າ ບຸນຄຸນອັນໃຫຍ່ຫລວງນັ້ນ ຍາມໃດກໍ່ໃສແຈ້ງໃນປະຫວັດສາດຂອງປະເທດຊາດຕະຫລອດການ.