ການນຳນະຄອນໂຮ່ຈິມິນຕ້ອນຮັບລັດຖະມົນຕີ,ເຈົ້າຄອງເຂດWallonie - Buxelles ປະເທດແບນຊິກ
ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນໂຮ່ຈິມິນ
ຕ້ອນຮັບທ່ານ Rudy Demotte
(ພາບ: TTXVN)
(vovworld) - ຕອນບ່າຍວັນທີ 17/09, ທ່ານ ຫງວຽນແທ່ງຟອງ, ປະທານຄະນະກຳມະການປະຊາຊົນນະຄອນໂຮ່ຈິມິນ ໄດ້ໃຫ້ການຕ້ອນຮັບທ່ານ Rudy Demotte, ລັດຖະມົນຕີ, ເຈົ້າຄອງເຂດ Wallonie - Buxelles ປະເທດ ແບນຊິກ, ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ຢູ່ທີ່ນີ້, ທ່ານ ຫງວຽນແທ່ງຟອງ ໃຫ້ຮູ້ວ່າ, ຍາມໃດຫວຽດນາມ ກໍຖືການພົວພັນຮ່ວມມືຫຼາຍດ້ານກັບເຂດ Wallonie – Buxelles ເປັນສຳຄັນ ກໍຄືກັບແບນຊິກ. ທ່ານ ຫງວຽນແທ່ງຟອງ ປາດຖະໜາວ່າ ການຮ່ວມມືລະຫວ່າງ 2 ຝ່າຍໄດ້ຮັບການເປີດກວ້າງໃນໄລຍະຈະມາເຖິງ, ໂດຍສະເພາະແມ່ນບັນດາຂົງເຂດເຊິ່ງນະຄອນໂຮ່ຈິມິນ ມີຄວາມຕ້ອງການ, ແບນຊິກ ເວົ້າລວມ ແລະ ເຂດ Wallonie – Buxelles ເວົ້າສະເພາະມີທ່າແຮງຄື: ຄົມມະນາຄົມຕົວເມືອງ, ເຕັກໂນໂລຊີສູງ, ສາທາລະນະສຸກ… ບັນດາອົງການຂອງນະຄອນ ພ້ອມແລ້ວທີ່ຈະໜູນຊ່ວຍຫ້ອງການອົງການການຄ້າຕ່າງປະເທດ ແລະ ລົງທຶນຕ່າງປະເທດເຂດ Wallonie (AWEX) ຢູ່ນະຄອນໂຮ່ຈິມິນ ເພື່ອເພີ່ມທະວີການພົວພັນຮ່ວມມືດ້ານເສດຖະກິດລະຫວ່າງ 2 ຝ່າຍກວ່າອີກ.
ສ່ວນທ່ານ Rudy Demotte ຖືວ່າ, 2 ຝ່າຍຕ້ອງສືບຕໍ່ເປີດກວ້າງການພົວພັນຮ່ວມມື ຜ່ານບັນດາໂຄງການລະອຽດ; ເອົາໃຈໃສ່ເຖິງການຮ່ວມມືພັດທະນາວັດທະນະທຳ ພ້ອມກັບການພັດທະນາເສດຖະກິດ.