(vovworld) – ຕອນເຊົ້າວັນທີ 5/5, ຢູ່ຮ່າໂນ້ຍ, ສະຖາບັນດິບວິທະຍາສາດ - ສັງຄົມ ຫວຽດນາມ ໄດ້ຈັດຕັ້ງກອງປະຊຸມສຳມະນາສາກົນດ້ວຍຫົວຂໍ້ວ່າ: “ໄຊຊະນະ ດ້ຽນບຽນຝູ - ກຳລັງແຮງ ຫວຽດນາມ ແລະ ຂະໜາດຍຸກສະໄໝ”. ກອງປະຊຸມສຳມະນາໄດ້ໄຈ້ແຍກ, ຕີລາຄາບົດບາດນຳພາຂອງພັກກອມມູນິດ ຫວຽດນາມ, ປະທານ ໂຮ່ຈີມິນ ສຳລັບບັ້ນຮົບ ດ້ຽນບຽນຝູ, ການປະກອບສ່ວນຂອງບັນດາກຳລັງ, ບັນດາທ້ອງຖິ່ນເຂົ້າໃນບັ້ນຮົບ ດ້ຽນບຽນຝູ ກໍ່ຄືການສະໜັບສະໜູນ, ການຊ່ວຍເຫຼືອຂອງປະຊາຄົມໂລກ ແລະ ການສົມທົບກັນສູ້ຮົບລະຫວ່າງປະຊາຊົນ 3 ປະເທດ ຫວຽດນາມ, ລາວ, ກຳປູເຈຍ. ກອງປະຊຸມສຳມະນາກໍ່ແມ່ນໂອກາດເພື່ອໃຫ້ບັນດານັກວິທະຍາສາດ, ວົງການນັກຄົ້ນຄ້ວາການທະຫານ ເຮັດໃຫ້ຄວາມໝາຍຂອງໄຊຊະນະ ດ້ຽນບຽນຝູສຳລັບການປະຕິວັດ ຫວຽດນາມ ພົ້ນເດັ່ນຂຶ້ນ, ກໍຄືຂະໜາດຍຸກສະໄໝຂອງໄຊຊະນະ ທີ່ພາໄປເຖິງການປ່ຽນແປງຍຸດທະສາດທົ່ວໂລກຂອງບັນດາປະເທດໃຫຍ່, ເປີດໄລຍະໃໝ່ດ້ວຍໄຊຊະນະຂອງຂະບວນການປົດປ່ອຍຊາດໃນທົ່ວໂລກ.
ກ່ອນໜ້ານັ້ນ, ຕອນຄຳ່ວັນທີ 4/5, ຢູ່ ຮ່າໂນ້ຍ, ໄດ້ຈັດຕັ້ງລາຍການພົວພັນແລກປ່ຽນສິລະປະຄວາມໄວ້ເນື້ອເຊື່ອໃຈ ຫວຽດນາມ - ກຳລັງແຮງ ຫວຽດນາມ ດ້ວຍຫົວຂໍ້ວ່າ: “ດ້ຽນບຽນຝູ - ຂີດໝາຍແຫ່ງຍຸກສະໄໝ” ທີ່ໄດ້ວາດພາບໄລຍະປະຫວັດສາດທີ່ສະຫງ່າອົງອາດຂອງຊາດ ເຊິ່ງຈຸດສູງແມ່ນໄຊຊະນະ ດ້ຽນບຽນຝູ.
ກໍ່ໃນວັນທີ 4/5, ຢູ່ແຂວງ ກວາງນີງ ໄດ້ຈັດຕັ້ງລາຍການ “ວັນບຸນ ດ້ຽນບຽນຝູ”, ເຊິ່ງດຶງດູດການເຂົ້າຮ່ວມຂອງນັກຮຽນນະຄອນ ຕາມກີ່ ເກືອບ 500 ຄົນ. ບັນດານ້ອງນັກຮຽນໄດ້ຊົມຟິມຮູບເງົາເອກະສານກ່ຽວກັບບັ້ນຮົບ ດ້ຽນບຽນຝູ, ພົບເອກ ຫວໍງວຽນຢາບ, ພົວພັນແລກປ່ຽນກັບບັນດານັກຮົບດ້ຽນບຽນໃນເມືອກ່ອນ, ເຂົ້າຮ່ວມການລະຫຼີ້ນ ຊອກຮູ້ຄວາມຮູ້ກ່ຽວກັບໄຊຊະນະ ດ້ຽນບຽນຝູ, ຢ້ຽມຢາມບັນດາຄອບຄົວນະໂຍບາຍ, ຄອບຄົວປະສົມກັບຄວາມຫຍຸ້ງຍາກເປັນພິເສດ. ທ່ານ ເລກົງຣີ, ຜູ້ອຳນວຍການສູນ ຊາວໜຸ່ມ - ເຍົາວະຊົນພາກກາງ ໃຫ້ຮູ້ວ່າ:
“ສຳລັບລຸ້ນໜຸ່ນໃນປະຈຸບັນ, ເມື່ອໄດ້ຮຳ່ຮຽນ ແລະ ຊອກຮູ້ກ່ຽວກັບ ດ້ຽນບຽນຝູ ແມ່ນມີຄວາມເອກອ້າງທະນົງໃຈຕໍ່ມູນເຊື້ອຕໍ່ສູ້, ຕ້ານສັດຕູຜູ້ຮຸກຮານຂອງຊາດ, ມູນເຊື້ອຂອງລຸ້ນພໍ່, ລຸ້ນອ້າຍ. ລຸ້ນໜຸ່ມໃນປະຈຸບັນໝັ້ນໝາຍຈະເສີມຂະຫຍາຍມູນເຊື້ອຂອງລຸ້ນພໍ່, ລຸ້ນອ້າຍ, ປະກອບຄວາມສາມາດ, ກຳລັງໜຸ່ມແໜ້ນຂອງຕົນເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ”