ທ່ານ ເວືອງດິ່ງເຫ້ວ ເລຂາອົງຄະນະພັກນະຄອນ ຮ່າໂນ້ຍ ໄປຢ້ຽມຢາມໂຮງໝໍ ແທັງຍ່ານ (ພາບ: hanoimoi.com.vn)

ເນື່ອງໃນໂອກາດວັດແພດໝໍ ຫວຽດນາມ, ວັນທີ 25 ກຸມພາ, ທ່ານ ເວືອງດິ່ງເຫ້ວ ເລຂາອົງຄະນະພັກນະຄອນ ຮ່າໂນ້ຍ ໄດ້ໄປໂຮງໝໍ ແທັງຍ່ານ ເພື່ອກວດກາວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ພ້ອມກັນນັ້ນ ກໍ່ເປັນການລະດົມກຳລັງໃຈ, ສະແດງຄວາມຮູ້ບຸນຄຸນຕໍ່ບັນດາແພດໝໍນະຄອນ ໃນວຽກງານປ້ອງກັນສະກັດກັ້ນໂລກລະບາດໂຄວິດ - 19, ເບ່ິງແຍງດູແລສຸຂະພາບຂອງປະຊາຊົນ.

ທີ່ການເຮັດວຽກ, ທ່ານ ເວືອງດິ່ງເຫ້ວ ໄດ້ສົ່ງຄຳອວຍພອນໄປຍັງຖັນແຖວພະນັກງານ, ການນຳ, ພະນັກງານຄຸ້ມຄອງຂອງພະແນກການແພດຮ່າໂນ້ຍ, ຂອງໂຮງໝໍ ແທັງຍ່ານ ແລະ ໝູ່ຄະນະພະນັກງານ, ແພດໝໍ, ພະນັກງງານຂະແໜງການແພດນະຄອນຫຼວງ, ທ່ານກໍ່ສະເໜີໃຫ້ ໂຮງໝໍແທັງຍ່ານ ກຽມພ້ອມອຸປະກອນ, ຊັບພະຍາກອນມະນຸດເພື່ອ ຮັບມືກັບກໍລະນີ ໂລກລະບາດ ໂຄວິດ - 19 ທີ່ອາດມີການຜັນແປຢ່າງສັບສົນຂຶ້ນຕື່ມໃນບໍລິເວນນະຄອນ.

ວັນທີ 25 ກຸມພາ, ໂຮງໝໍແມ່ ແລະ ເດັກສູນກາງ ແລະ ໂຮງໝໍ K ໄດ້ສົມທົບກັບ ສະຖາບັນໂລຫິດສາດ - ສົ່ງເລືອດສູນກາງ ຈັດວັນບຸນບໍລິຈາກເລືອດດ້ວຍຄວາມສະໝັກໃຈ ໂດຍມີການເຂົ້າຮ່ວມຂອງ ແພດໝໍ ແລະ ພະນັກງງານການແພດເກືອບ 800 ຄົນຂອງສອງໂຮງໝໍດັ່ງກ່າວ.

        ແລະກໍ່ໃນວັນດຽວກັນ, ຄະນະກຳມະການປະຊາຊົນ ແຂວງກ໋ວາງບິ່ງ ກໍ່ໄດ້ຈັດພິທີປະກາດ ແລະ ມອບນາມມະຍົດ “ທ່ານໝໍດີເດັ່ນ” ໃຫ້ແກ່ສ່ວນບຸກຄົນ 11 ຄົນ.