(vovworld) - ວັນທີ 12/3, ຢູ່ ຮ່າໂນ້ຍ, ຄະນະຊີ້ນຳປະຕິຮູບຍຸຕິທຳສູນກາງຈັດວາລະປະຊຸມທີ 4 ເພື່ອປຶກສາຫາລື ແລະ ປະກອບຄວາມເຫັນໃຫ້ແກ່ 2 ແຜນຮ່າງ “ຄົ້ນຄ້ວາກ່ຽວກັບການຫັນໄອຍະການເປັນອົງການໄອຍະການ” ແລະ ແຜນຮ່າງ “ຮູບແບບດຳເນີນຄະດີອາຍາຫວຽດນາມ” ໂດຍໄອຍະການສູງສຸດສ້າງຂຶ້ນ.
ກ່າວຄວາມເຫັນສະຫຼຸບກອງປະຊຸມ, ທ່ານປະທານປະເທດ ເຈືອງເຕິນຊາງ, ຫົວໜ້າຄະນະຊີ້ນຳການປະຕິຮູບດ້ານຍຸຕິທຳສູນກາງ, ເນັ້ນໜັກວ່າ, ການຄົ້ນຄ້ວາ 2 ແຜນຮ່າງດັ່ງກ່າວ ແມ່ນມີຄວາມສຳຄັນທີ່ສຸດ, ເພາະວ່າມັນຕິດພັນກັບການຄົ້ນຄ້ວາ, ປັບປຸງລັດຖະທຳມະນູນປີ 1992, ໃນນັ້ນເອົາໃຈໃສ່ເປັນພິເສດເຖິງມະຕິກອງປະຊຸມໃຫຍ່ຄັ້ງທີ XI ແລະ ມະຕິສູນກາງທີ 2 ຊຸດທີ XI.
“ໃນເອກະສານໄດ້ຊີ້ແຈງວ່າ, ໄອຍະການໄດ້ຮັບການຈັດຕັ້ງຢ່າງເໝາະສົມ, ດ້ວຍລະບົບການຈັດຕັ້ງຂອງສານ, ຮັບປະກັນເງື່ອນໄຂຕ່າງໆໃຫ້ດີ, ເພື່ອໃຫ້ໄອຍະການປະຊາຊົນປະຕິບັດບົດບາດໜ້າທີ່ສິດໄອຍະການ ແລະ ກວດກາບັນດາການເຄື່ອນໄຫວຍຸຕິທຳຢ່າງມີປະສິດທິຜົນ. ກະຊວງຍຸຕິທຳເພີ່ມທະວີບົດບາດໜ້າທີ່ນີ້ຂຶ້ນ, ຖ້າຜິດພາດ ແມ່ນຕ້ອງແກ້ໄຂໃນທັນທີ”