ງານບຸນຕັ້ງຄ້າຍ”ຄວາມເອກອ້າງທະນົງໃຈຕໍ່ໄຊຊະນະດ້ຽນບຽນຝູ”
ບັນດາສະມາຊິກ ຊາວໜຸ່ມແຂວງເທື່ອທຽນເຫວ໋ ເຂົ້າຮ່ວມງານບຸນຢ່າງຕັ້ງໜ້າ
(vovworld) – ຕອນເຊົ້າວັນທີ 3/5, ຄະນະຊາວໜຸ່ມແຂວງເທື່ອທຽນເຫວ໋ ແລະ ສະມາຄົມນັກຮົບເກົ່າ ກຸ່ມບັນດາອົງການໃນແຂວງ ໄດ້ສົມທົບກັນ ຈັດຕັ້ງງານບຸນຕັ້ງຄ້າຍ ”ຄວາມເອກອ້າງທະນົງໃຈຕໍ່ໄຊຊະນະດ້ຽນບຽນຝູ” ຢູ່ເຂດຮ່ອງຮອຍປະຫວັດສາດ ການປະຕິວັດ ຈິ໋ນເຫິ່ມ, ຕາແສງອານໄຕ, ນະຄອນເຫວ໋. ໃນ 2 ວັນດຳເນີນ ງານບຸນຕັ້ງຄ້າຍມີການເຄື່ອນໄຫວຕ່າງໆທີ່ວາດພາບໃຫ້ເຫັນບັ້ນຮົບ, ບັນຍາກາດສະຫງ່າອົງອາດຂອງໄຊຊະນະປະຫວັດສາດດ້ຽນບຽນຝູ. ໃນໂອກາດນີ້, ຄະນະຊາວໜຸ່ມແຂວງເທື່ອທຽນເຫວ໋ ບໍລິຈາກເງິນໄດ້ 100 ລ້ານດົ່ງ ເພື່ອໜູນຊ່ວຍໃຫ້ຊາວໜຸ່ມ ແລະ ປະຊາຊົນແຂວງດ້ຽນບຽນ. ທ່ານ ຫງວຽນຈີ໋ກວາງ, ເລຂາຄະນະຊາວໜຸ່ມແຂວງເທື່ອທຽນເຫວ໋, ໃຫ້ຮູ້ວ່າ:
”ບຸນຕັ້ງຄ້າຍຄັ້ງນີ້ແມ່ນໂອກາດເພື່ອໃຫ້ບັນດາສະມາຊິກຊາວໜຸ່ມໃນ ແຂວງພົບປະແລກປ່ຽນ, ຫວນຄືນຈຸດເວລາປະຫວັດສາດ, ການເສຍສະຫຼະອັນໃຫຍ່ຫຼວງຂອງທະຫານຫວຽດນາມ ເພື່ອສ້າງເປັນໄຊຊະນະປະຫວັດສາດທີ່ດັງກ້ອງກັງວານໄປທົ່ວ 5 ທະວີບ. ໃນງານບຸນຕັ້ງຄ້າຍຄັ້ງນີ້, ພວກຂ້າພະເຈົ້າກໍ່ໄດ້ລົງມືກໍ່ສ້າງເຮືອນເພື່ອນຮ່ວມກົມກອງ 2 ຫຼັງ ເພື່ອຊ່ວຍໃຫ້ນັກຮົບປ້ອງກັນຊາຍແດນທີ່ພວມປະຕິບັດງານຢູ່ເຂດຊາຍແດນ 1 ຄົນ ແລະ ພະນັກງານຊາວໜຸ່ມທີ່ປະສົບຄວາມຫຍຸ້ງຍາກເປັນພິເສດ 1 ຄົນ”.