ງານພົບປະແລກປ່ຽນ “ແກ້ໄຂຜົນຮ້າຍຢ້ອນຫຼັງ ຈາກລູກລະເບີດບໍ່ທັນແຕກ ເພື່ອຄວາມສະຫງົບສຸກ“
(ພາບປະກອບ:vtv.vn)
(vovworld)- ຕອນຄ່ຳວັນທີ 31/3, ຢູ່ສູນກະຈາຍສຽງແຫ່ງຊາດ, ເຮືອນເລກທີ 58 ຖະໜົນກວານຊື-ຮ່າໂນ້ຍ, ໄດ້ຈັດງານພົບປະແລກປ່ຽນ “ແກ້ໄຂຜົນຮ້າຍຢ້ອນຫຼັງຈາກລູກລະເບີດບໍ່ທັນແຕກເພື່ອຄວາມສະຫງົບສຸກ“. ປະຈຸບັນ, ທົ່ວປະເທດຍັງມີລູກລະເບີດບໍ່ທັນແຕກທີ່ຍັງຕົກຄ້າງຫຼັງສົງຄາມປະມານແຕ່ 600-800 ໂຕນ, ກໍ່ມົນລະພິດເນື້ອທີ່ດິນປະມານ 6,6 ລ້ານແຮັກຕາ. ໃນ 30 ປີຜ່ານມາ, ຫວຽດນາມ ໄດ້ຊອກຫາ, ເກັບກູ້ລູກລະເບີດ, ໝາກໝິ່ນປະເພດຕ່າງໆນັບລ້ານລູກ, ບຸກເບີກເນື້ອທີ່ດິນຮັບໃຊ້ການຜະລິດນັບແສນແຮັກຕາ ແລະ ເຮັດໃຫ້ຊີວິດປະຊາຊົນຂອງເປັນປົກກະຕິ.
ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີຫວຽດນາມ ຫງວຽນທ້ຽນເຍີນ ໄດ້ຮັບຮູ້ຄວາມມານະພະຍາຍາມຂອງກຳລັງຊ່າງແສງ, ບັນດາກະຊວງ, ຄະນະ, ຂະແໜງການ ແລະ ອຳນາດການປົກຄອງທ້ອງຖິ່ນ, ຂອບອົກຂອບໃຈການຮ່ວມມືຂອງບັນດາອົງການຈັດຕັ້ງສາກົນໃນໄລຍະຜ່ານມາ. ທ່ານຮອງນາຍົກລັດຖະມົນຕີ ຫວຽດນາມ ຫງວຽນທ້ຽນເຍີນ ປາດຖະໜາວ່າຈະສືບຕໍ່ໄດ້ຮັບການໜູນຊ່ວຍຈາກບັນດາອົງການຈັດຕັ້ງ, ສ່ວນບຸກຄົນພາຍໃນ ແລະ ຕ່າງປະເທດໃຫ້ແກ່ວຽກງານສຳຫຼວດ, ທຳລາຍລູກລະເບີດ, ໝາກໝິ່ນກໍ່ຄືໜູນຊ່ວຍບັນດາຄອບຄົວນັກຮົບທີ່ໄດ້ເສຍສະຫລະຊີວິດໃນວິວັດການຊອກຫາ, ເກັບກູ້ທຳລາຍລູກລະເບີດ, ໝາກໝິ່ນ:
“ໃນຈຳນວນນັກຮົບທີ່ໄດ້ເສຍສະຫຼະຊີວິດນັບແຕ່ປີ 1990 ມາຮອດປະຈຸບັນ, ຍັງມີປະມານ 20 ຄອບຄົວບໍ່ທັນມີເຮືອນແຫ່ງສາຍຈິດມິດໃຈ. ຂ້າພະເຈົ້າຮຽກຮ້ອງໃຫ້ຂະແໜງການສຶກສາຈົ່ງຂົນຂວາຍເພື່ອສ້າງເຮືອນແຫ່ງສາຍຈິດມິດໃຈ 20 ຫຼັງທີ່ຍັງເຫຼືອນີ້ໃຫ້ແກ່ບັນດາຄອບຄົວຂອງນັກຮົບທີ່ໄດ້ເສຍສະຫຼະຊີວິດໂດຍໄວ. ນັບແຕ່ນີ້ເປັນຕົ້ນໄປ, ຖ້າມີນັກຮົບຊ່າງແສງຜູ້ໜຶ່ງໄດ້ເສຍສະຫຼະຊີວິດໃນການຊອກຫາ, ເກັບກູ້ທຳລາຍລູກລະເບີດ, ໝາກໝິ່ນ, ລັດ ແລະ ສັງຄົມຈະສະຫງວນເຮືອນແຫ່ງສາຍຈິດມິດໃຈຫຼັງໜຶ່ງໃຫ້ແກ່ຄອຍຄົວນັກຮົບຊ່າງແສງຜູ້ນັ້ນ“