ຈີນ ສະເໜີຈັດຕັ້ງກອງປະຊຸມຂັ້ນລັດຖະມົນຕີການຕ່າງປະເທດ ອາຊຽນ
(VOVWORLD) ຈີນ ໄດ້ສະເໜີຈັດຕັ້ງກອງປະຊຸມຂັ້ນລັດຖະມົນຕີການຕ່າງປະເທດ ກັບ 10 ປະເທດ ສະມາຊິກ ອາຊຽນ ໃນເດືອນມິຖຸນາ ຈະມາເຖິງຢູ່ ຈີນ.
 ທ່ານລັດຖະມົນຕີການຕ່າງປະເທດ ຈີນ ຫວາງອີ່ (ພາບ: THX/TTXVN) |
ຈີນ ພວມຄິດໄລ່ຊັ່ງຊາການຈັດຕັ້ງກອງປະຊຸມດັ່ງກ່າວຢູ່ນະຄອນໜຶ່ງ ໂດຍບໍ່ແມ່ນຢູ່ນະຄອນຫຼວງປັກກິ່ງ. ໃນສະພາບການທີ່ ປີ 2021 ແມ່ນປີສະເຫຼີມສະຫຼອງການພົວພັນຄູ່ເຈລະຈາ ອາຊຽນ - ຈີນ ຄົບຮອບ 30 ປີ, ສະນັ້ນ ປັກກິ່ງ ພວມມານະພະຍາຍາມຊຸກຍູ້ການຮ່ວມມືລະຫວ່າງສອງຝ່າຍ. ທ່ານລັດຖະມົນຕີການຕ່າງປະເທດ ຈີນ ຫວາງອີ່ ສະແດງຄວາມຫວັງວ່າ ໃນໂອກາດນີ້, ສອງຝ່າຍຈະຈັດເຫດການຫຼາຍຢ່າງ ເພື່ອສະເຫຼີມສະຫຼອງ ແລະ ຍົກລະດັບການພົວພັນລະຫວ່າງ ຈີນ ກັບ ອາຊຽນ.