ຍາມໃດຫວຽດນາມກໍ່ຖືການປົກປ້ອງ, ເບິ່ງແຍງດູແລ ແລະ ສຶກສາເດັກແມ່ນ ໜ້າທີ່ອັນດັບໜຶ່ງ
ພາບປະກອບ
(vovworld) – ກອງປະຊຸມສົນທະນາຫາລືນະໂຍບາຍ ແລະ ທາບທາມຄວາມເຫັນສາຍໂທລະສັບໃຫ້ຄຳປຶກສາໜູນຊ່ວຍເດັກພາກພື້ນ ອາຊີ - ປາຊີຟິກ ໄດ້ຮັບການຈັດຕັ້ງໃນວັນທີ 26/11, ຢູ່ ຮ່າໂນ້ຍ, ດ້ວຍການເຂົ້າຮ່ວມຂອງບັນດາຜູ້ແທນທີ່ມາຈາກ 24 ປະເທດຂຶ້ນກັບພາກພື້ນ ອາຊີ - ປາຊີຟິກ. ກອງປະຊຸມແມ່ນເພື່ອແນໃສ່ຕີລາຄາສະພາບການຕົວຈິງໃນການເຄື່ອນໄຫວ, ຜົນສະທ້ອນຂອງສາຍໂທລະສັບກ່ຽວກັບເດັກນ້ອຍສາກົນ ແລະ ສາຍໂທລະສັບໃຫ້ຄຳປຶກສາໜູນຊ່ວຍເດັກພາກພື້ນ ອາຊີ - ປາຊີຟິກ ສຳລັບລະບົບປົກປ້ອງເດັກແຫ່ງຊາດ ແລະ ສຳລັບເດັກນ້ອຍ, ຜູ້ບໍ່ທັນຮອດກະສຽນອາຍຸ... ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ຢວານເມົ້າຢຽບ ເນັ້ນໜັກວ່າ: ສະພາແຫ່ງຊາດ ຫວຽດນາມ ໄດ້ປະກາດໃຊ້ກົດໝາຍວ່າດ້ວຍການປົກປ້ອງ, ເບິ່ງແຍງດູແລ, ສຶກສາອົບຮົມເດັກນ້ອຍ ປີ 2004 ແລະ ປະຈຸບັນພວມດຳເນີນການປັບປຸງກົດໝາຍສະບັບນີ້ໂດຍອີງໃສ່ວິທີສຳພັດກ່ຽວກັບສິດເພື່ອແນໃສ່ແກ້ໄຂບັນດາການທ້າທາຍ ກ່ຽວກັບສະພາບການເດັກໃນປະຈຸບັນ ກໍ່ຄືໃນໄລຍະຍາວ.
ທ່ານນາງ Nenita La Rose, ຜູ້ອຳນວຍການບໍລິຫານສາຍໂທລະສັບໜູນຊ່ວຍເດັກສາກົນ ຖືວ່າ: ລັດຖະບານບັນດາປະເທດຄວນຍູ້ແຮງການໜູນຊ່ວຍເພື່ອເພີ່ມແຫຼ່ງກຳລັງ ແລະ ຍົກສູງກຳລັງຄວາມສາມາດໃຫ້ບັນດາບໍລິການໜູນຊ່ວຍເດັກ ເພື່ອຕອບສະໜອງຄວາມຮຽກຮ້ອງຕ້ອງການຂອງບັນດາສາຍໂທລະສັບດ່ວນນີ້.