 |
(vovworld)- ແຕ່ວັນທີ 19-26/11, ຄະນະຜູ້ແທນສະມາຊິກສະພາແຫ່ງຊາດບັນດາປະເທດສະມາຊິກ ອາຊຽນ ໄດ້ໄປຢ້ຽມຢາມ ແລະ ເຮັດວຽກຢູ່ ອົດສະຕາລີ ເພື່ອຊຸກຍູ້ການພົວພັນຄູ່ຮ່ວມມື ອາຊຽນ -ອົດສະຕາລີ. ໃນໄລຍະຢູ່ຢ້ຽມຢາມ ອົດສະຕາລີ, ຄະນະຜູ້ແທນສະມາຊິກສະພາແຫ່ງຊາດ ບັນດາປະເທດສະມາຊິກອາຊຽນ ໄດ້ຮັບຟັງບັນດາສະມາຊິກສະພາແຫ່ງຊາດ ອົດສະຕາລີ ສະເຫນີ ກ່ຽວກັບຄະນະກຳມະການເລືອກຕັ້ງ, ບັນດາການເຄື່ອນໄຫວຂອງລັດຖະບານ, ລັດຖະສະພາ, ຕິດຕາມໂດກຍົງການເຄື່ອນໄຫວຈຳນວນຫນຶ່ງຂອງສະມາຊິກສະພາສູງ ແລະສະພາຕ່ຳອົດສະຕາລີ. ຄະນະກໍໄດ້ໄປທັດສະນະສຶກສາຢູ່ຫລາຍແຫ່ງ, ພົບປະກັບບັນດາຜູ້ຕາງຫນ້າວິສາຫະກິດ, ຢ້ຽມຢາມບັນດາມະຫາວິທະຍາໄລ. ນອກຈາກການເຂົ້າຮ່ວມບັນດາລາຍການລວມຂອງ ອາຊຽນ ແລະ ອົດສະຕາລີ, ຜູ້ຕາງຫນ້າ ຫວຽດນາມ ກໍເປັນເຈົ້າການກຳໄດ້ກາລະໂອກາດຊຸກຍູ້ການພົວພັນຫວຽດນາມ-ອົດສະຕາລີ ຜ່ານບັນດາການພົບປະ, ແລກປ່ຽນຢ່າງກົງໄປກົງມາກັບສະມາຊິກສະພາແຫ່ງຊາດ ອົດສະຕາລີ ກ່ຽວກັບຫລາຍບັນຫາ. ທ່ານ ຫງວຽນແມ້ງຕຽນ, ຮອງຫົວຫນ້າກຳມາທິການການຕ່າງປະເທດ ສະພາແຫ່ງຊາດຊຸດທີ 13, ຫົວຫນ້າຄະນະຜູ້ແທນຫວຽດນາມ ໃຫ້ຮູ້ວ່າ: ການພົບປະໂດຍກົງກັບສະມາຊິກສະພາແຫ່ງຊາດ ອົດສະຕາລີ ແມ່ນກາລະໂອກາດເພື່ອໃຫ້ສອງຝ່າຍເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະກັນ, ແລກປ່ຽນບົດຮຽນ, ຈາກນັ້ນ ທາບທ່າມຄຳເຫັນ, ປັບປຸງການເຄື່ອນໄຫວສ້າງກົດໝາຍໃຫ້ເໝາະສົມແລະມີປະສິດທິຜົນ, ຕິດຕາມກວດກາ ແລະ ປະຕິບັດກົດໝາຍເວົ້າສະເພາະ ກໍຄືຊຸກຍູ້ການພົວພັນລະຫວ່າງຫວຽດນາມ ແລະ ອົດສະຕາລີເວົ້າລວມ.