ການນຳແລະບັນດາຜູ້ແທນ (ພາບ: VGP)

ກ່າວຄຳເຫັນທີ່ການພົບປະກັບບັນດາສະມາຊິກສະພາແຫ່ງຊາດທີ່ເປັນຜູ້ມີຍົດສັກຕຳແໜ່ງທາງສາສະໜາໃນຕອນບ່າຍວັນທີ 19 ພະຈິກ, ຢູ່ຮ່າໂນ້ຍ, ທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນສູນກາງພັກກອມມູນິດ ຫວຽດນາມ ຢັ້ງຢືນວ່າ: ພັກ, ລັດ ຍາມໃດກໍ່ປະຕິບັດນະໂຍບາຍສາມັກຄີແຫ່ງຊາດ, ສາມັກຄີສາສະໜາແບບສະເໝີຕົ້ນສະເໝີປາຍ, ຍາມໃດກໍ່ເຄົາລົບ ແລະ ຮັບປະກັນສິດເສລີໃນການ ເຫຼື້ອມໃສ, ສາສະໜາຂອງປະຊາຊົນ. ການປະຕິບັດກົດໝາຍວ່າດ້ວຍຄວາມເຊື່ອຖື ເຫຼື້ອມໃສ, ສາສະໜາ ມາ ເກືອບ 2 ປີ ໄດ້ສະແດງໃຫ້ເຫັນວ່າ ບັນດາຂໍ້ກຳນົດຂອງກົດໝາຍ ໄດ້ຮັບປະກັນຄວາມເປັນຄົບຊຸດກັບບັນດາເອກະສານນິຕິກຳໂດຍພື້ນຖານຢູ່ບັນດາຂົງເຂດຕ່າງໆທີ່ໄດ້ຮັບການປະກາດໃຊ້, ສ້າງຄວາມເປັນເອກະພາບທາງດ້ານແນວຄິດ, ຄວາມຮັບຮູ້ຂອງຖັນແຖວພະນັກງານ, ລັດຖະກອນທຸກຂັ້ນກ່ຽວກັບຕຳແໜ່ງ, ບົດບາດຂອງວຽກງານສາສະໜາ. ດ້ວຍບົດບາດ ແລະ ອິດທິພົນຊື່ສຽງຂອງບັນດາສະມາຊິກສະພາແຫ່ງຊາດທີ່ເປັນຜູ້ມີຍົດສັກຕຳແໜ່ງທາງສາສະໜາ, ທ່ານນາງ ເຈືອງທິມາຍ ມີຄວາມປາດຖະໜາຢາກໃຫ້ບັນດາທ່ານສືບຕໍ່ໂຄສະນາ, ແຜ່ຂະຫຍາຍໃນປະຊາຄົມເພື່ອໃຫ້ບັນດາສາສະນິກະຊົນຂອງສາສະໜາຕ່າງໆເປັນຈິດໜຶ່ງໃຈດຽວກັນປະຕິບັດກົດໝາຍ, ນະໂຍບາຍຂອງພັກ, ລັດໃຫ້ເປັນຢ່າງດີ.