ທ່ານນາງຮອງປະທານປະເທດ ຫງວຽນທິຢວານ ເຂົ້າຮ່ວມວັນບຸນແມ່ຍິງ ແລະ ສຸຂະພາບ
(ທ່ານຮອງປະທານປະເທດຫງວຽນທິຢວານ
ເຂົ້າຮ່ວມວັນບຸນແມ່ຍິງ ແລະ ສຸຂະພາບ)
(vovworld) – ໂດຍຕອບສະໜອງວັນແມ່ຍິງຫວຽດນາມ 20/10, ຕອນເຊົ້າວັນທີ 28/09, ຢູ່ຮ່າໂນ້ຍ, ກອງທຶນໜູນຊ່ວຍຜູ້ເປັນພະຍາດໂລກມະເຮັງ - ເພື່ອອະນາຄົດທີ່ສົດໄສ ຂອງກະຊວງສາທາລະນະສຸກ ສົມທົບກັບກຸ່ມບໍລິສັດ Roche (ກຸ່ມບໍລິສັດຜະລິດຕະພັນການຢາອັນດັງໜຶ່ງກ່ຽວກັບການປິນປົວພະຍາດໂລກມະເຮັງ) ໄດ້ຈັດຕັ້ງວັນໂຄສະນາປ້ອງກັນຕ້ານພະຍາດໂລກມະເຮັງນົມ ດ້ວຍຊື່ວ່າແມ່ຍິງ ແລະ ສຸຂະພາບ.
ກ່າວຄຳເຫັນທີ່ພິທີ, ທ່ານຮອງປະທານປະເທດຫງວຽນທິຢວານ ໄດ້ຕີລາຄາສູງບັນດາການເຄື່ອນໄຫວຂອງກອງທຶນໜູນຊ່ວຍຜູ້ເປັນພະຍາດໂລກມະເຮັງ - ເພື່ອອະນາຄົດທີ່ສົດໄສ ໃນໄລຍະຜ່ານມາ ແລະ ຢືນຢັນວ່າ, ວັນໂຄສະນາກ່ຽວກັບການປ້ອງກັນຕ້ານພະຍາດໂລກມະເຮັງນົມ ແມ່ນການເຄື່ອນໄຫວມະນຸດສະທຳ, ປະກອບສ່ວນຍົກສູງຄວາມຮັບຮູ້ຂອງປະຊາຄົມ ກ່ຽວກັບການຄົ້ນພົບພະຍາດໂລກມະໂຮງນົມໂດຍໄວ, ພິເສດແມ່ນໜູນຊ່ວຍແມ່ຍິງໃນການຄົ້ນພົບໂດຍໄວ້, ກໍ່ຄືປ້ອງກັນ ແລະ ປິນປົວພະຍາດຢ່າງມີປະສິທິຜົນ. ທ່ານນາງຮອງປະທານປະເທດຫງວຽນທິຢວານ ຊີ້ແຈ້ງວ່າ, ບັນດາຜູ້ຕິດພະຍາດມະເຮງ ສ່ວນຫຼາຍແມ່ນຄົນທຸກຍາກ, ສະນັ້ນຕ້ອງການໄດ້ຮັບຄວາມເອົາໃຈໃສ່, ຊ່ວຍເຫຼືອຈາກອົງການຈັດຕັ້ງ, ສ່ວນບຸກຄົນ ແລະ ທົ່ວສັງຄົມ.