ທ່ານຫງວຽນຊິງຮຸ່ງ ພົບປະ ກັບນາຍົກລັດຖະມົນຕີຍີ່ປຸ່ນ
ທ່ານນາຍົກລັດຖະມົນຕີຍີ່ປຸ່ນ Noda Yoshihiko
(ພາບ:vietnamplus.vn)
(vovworld) - ວັນທີ 7/12, ທ່ານປະທານສະພາແຫ່ງຊາດຫງວຽນຊິງຮຸ່ງ ແລະ ບັນດາສະມາຊິກໃນຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໄດ້ພົບປະກັບທ່ານນາຍົກລັດຖະມົນຕີຍີ່ປຸ່ນ Noda Yoshihiko. ນະທີ່ນີ້, ທ່ານປະທານສະພາແຫ່ງຊາດຫງວຽນຊິງຮຸ່ງ ຢືນຢັນວ່າ: ສະພາແຫ່ງຊາດ, ລັດຖະບານ ແລະ ປະຊາຊົນຫວຽດນາມ ຖືເປັນສຳຄັນທີ່ສຸດ ແລະ ປາດຖະໜາວ່າຈະເຮັດໃຫ້ການພົວພັນມິດຕະພາບ ແລະ ການຮ່ວມມືກັບຍີ່ປຸ່ນ ເລິກເຊິ່ງຂຶ້ນຕື່ມຢ່າງບໍ່ຢຸດຢັ້ງ ແລະ ທ່ານປາດຖະໜາວ່າ, ລັດຖະບານຍີ່ປຸ່ນ ຈະສືບຕໍ່ຮັກສາ ແລະ ເພີ່ມແຫຼ່ງທຶນ ODA ໃຫ້ແກ່ຫວຽດນາມ. ທ່ານປະທານສະພາແຫ່ງຊາດຫງວຽນຊິງຮຸ່ງ ໄດ້ຍົກອອກບັນດາບັນຫາເພື່ອເພີ່ມທະວີການພົວພັນຮອບດ້ານລະຫວ່າງສອງປະເທດກ່ວາອີກ,ສົມທົບກັນຢ່າງແໜ້ນແຟ້ນເພື່ອຈັດຕັ້ງບັນດາການເຄື່ອນໄຫວສະເຫຼີມສະຫຼອງປີມິດຕະພາບຫວຽດນາມ-ຍີ່ປຸ່ນ 2013, ຊຸກຍູ້ການຮ່ວມມືດ້ານເສດຖະກິດ, ການຄ້າ, ການລົງທຶນລະຫວ່າງສອງປະເທດ.
ສ່ວນນາຍົກລັດຖະມົນຕີຍີ່ປຸ່ນ Noda Yoshihiko ໃຫ້ຮູ້ວ່າ: ໃນໄລຍະຈະມາເຖິງ, ຍີ່ປຸ່ນຈະສືບຕໍ່ເພີ່ມແຫຼ່ງທຶນODA ໃຫ້ແກ່ຫວຽດນາມ ແລະ ປາດຖະໜາວ່າ ສະພາແຫ່ງຊາດຫວຽດນາມ ຈະສືບຕໍ່ສ້າງລະບົບກົດໝາຍສຳເລັດ ສ້າງເງື່ອນໄຂອຳນວຍຄວາມສະດວກໃຫ້ແກ່ບັນດາວິສາຫະກິດຍີ່ປຸ່ນ ລົງທຶນເຂົ້າຫວຽດນາມ. ເພື່ອຜົນປະໂຫຍດຂອງແຕ່ລະຝ່າຍ.