ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ບຸຍແທັງເຊິນ ໂອ້ລົມສົນທະນາ ທາງໄກກັບລັດຖະມົນຕີກະຊວງການຕ່າງປະເທດ ລາວ ທອງສະຫວັນ ພົມວິຫານ
(VOVWORLD) - ວັນທີ 27 ພະຈິກ, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ໂອ້ລົມສົນທະນາທາງໄກກັບທ່ານ ລັດຖະມົນຕີ ກະຊວງການຕ່າງປະເທດ ລາວ ທອງສະຫວັນ ພົມວິຫານ.
 ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ບຸຍແທັງເຊິນ ໂອ້ລົມສົນທະນາ ທາງໄກກັບລັດຖະມົນຕີກະຊວງການຕ່າງປະເທດ ລາວ ທອງສະຫວັນ ພົມວິຫານ(ພາບ: VGP) |
ວັນທີ 27 ພະຈິກ, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ໂອ້ລົມສົນທະນາທາງໄກກັບທ່ານ ລັດຖະມົນຕີ ກະຊວງການຕ່າງປະເທດ ລາວ ທອງສະຫວັນ ພົມວິຫານ. ທີ່ການໂອ້ລົມສົນທະນາ, ສອງຝ່າຍໄດ້ເຫັນດີເປັນເອກະພາບສືບຕໍ່ກະກຽມເປັນຢ່າງດີໃຫ້ແກ່ການພົບປະລະຫວ່າງການນຳສາມພັກ ຫວຽດນາມ - ລາວ - ກຳປູເຈຍ, ກອງປະຊຸມຄັ້ງທີ 47 ຄະນະກຳມະການລະຫວ່າງລັດຖະບານສອງປະເທດ ແລະ ປຶກສາຫາລືດ້ານການເມືອງ ຂັ້ນລັດຖະມົນຕີການຕ່າງປະເທດ ຫວຽດນາມ - ລາວຄັ້ງທີ 11. ທ່ານ ບຸຍແທັງເຊີນ ສະເໜີສອງຝ່າຍສືບຕໍ່ສົມທົບກັບກະຊວງ, ຂະແໜງການທີ່ກ່ຽວຂ້ອງຊຸກຍູ້ການຜັນຂະຫຍາຍບັນດາຂໍ້ລິເລີ່ມຂັ້ນສູງ, ສືບຕໍ່ຜັນຂະຫຍາຍໂຄງການກະທຳກ່ຽວກັບການຮ່ວມມືລະຫວ່າງສອງກະຊວງການຕ່າງປະເທດກ່ຽວກັບການເພີ່ມທະວີວຽກງານການທູດເສດຖະກິດໄລຍະ 2020 – 2025 ຢ່າງມີປະສິດທິຜົນ. ທ່ານ ທອງສະຫວັນ ພົມວິຫານ ຫວັງວ່າຈະໄດ້ຕ້ອນຮັບທ່ານ ບຸຍແທັງເຊີນ ມາຢ້ຽມຢາມ ແລະ ເປັນປະທານຮ່ວມໃນການປຶກສາຫາລືດ້ານການເມືອງຂັ້ນລັດຖະມົນຕີການຕ່າງປະເທດຄັ້ງທີ 11 ຢູ່ນະຄອນຫຼວງວຽງຈັນໃນໄລຍະຈະມາເຖິງໂດຍໄວ.