ນາຍົກລັດຖະມົນຕີ ລີບີ Abdullah al-Thinni.
(ພາບ: ສຳນັກຂ່າວສານ ຊິນຮວາ/TTXVN)
(vovworld) - ວັນທີ 28/9, ທ່ານນາຍົກລັດຖະມົນຕີ ລີບີ Abdullah Al Thinni ພ້ອມກັບຄະນະລັດຖະບານ ສະບານຕົວຮັບດຳລົງຕຳແໜ່ງຢ່າງເປັນທາງການພາຍຫຼັງສະພາແຫ່ງຊາດໃຫ້ສັດຕະຍາບັນ. ລັດຖະບານໃໝ່ຢູ່ ລີບີ ລວມມີສະມາຊິກ 13 ທ່ານ, ໃນນັ້ນມີຮອງນາຍົກລັດຖະມົນຕີ 3 ທ່ານ ແລະ ລັດຖະມົນຕີ 10 ທ່ານ. ລັດຖະບານໃໝ່ບໍ່ມີລັດຖະມົນຕີນ້ຳມັນບໍ່ແຮ່ ຍ້ອນວ່າ ຂົງເຂດນ້ຳມັນບໍ່ແຮ່ໂດຍກຸ່ມບໍລິສັດນ້ຳມັນບໍ່ແຮ່ແຫ່ງຊາດຄຸ້ມຄອງ. ຕຳແໜ່ງລັດຖະມົນຕີກະຊວງປ້ອງກັນປະເທດຍັງເປົ່າຫວ່າງ ແລະ ເສນາທິການໃຫຍ່ຈະບໍລິຫານກອງທັບ. ກ່ອນໜ້ານັ້ນ, ທ່ານນາຍົກລັດຖະມົນຕີ Abdullah Al Thinni ຈະຍື່ນບັນຊີລາຍຊື່ຄະນະລັດຖະບານລວມມີສະມາຊິກ 16 ທ່ານ, ແຕ່ຖືກສະພາແຫ່ງຊາດປະຕິເສດ 2 ເທື່ອ ຍ້ອນຖືວ່າຂອບຂະໜາດຂອງລັດຖະບານໃນໄລຍະວິກິດການຄືແນວນັ້ນແມ່ນຫຼາຍໂພດ.