ເພື່ອສະເຫຼີມສະຫຼອງວັນນັກທຸລະກິດ ຫວຽດນາມ (13/10), ວັນທີ 12 ຕຸລາ, ບັນດາທ້ອງຖິ່ນຄື ຫວິງລອງ, ຮ່ານາມ, ນາມດິ້ງ… ໄດ້ຈັດຕັ້ງການພົບປະໂອ້ລົມກັບບັນດາວິສາຫະກິດ, ນັກທຸລະກິດດີເດັ່ນໃນບໍລິເວນ. ຕາງໜ້າຄະນະການນຳບັນດາແຂວງ ລ້ວນແຕ່ຕີລາຄາສູງບົດບາດຂອງບັນດາວິສາຫະກິດ, ທຸລະກິດ; ພ້ອມທັງສະແດງທັດສະນະຍາມໃດກໍສ້າງເງື່ອນໄຂທີ່ດີທີ່ສຸດໃຫ້ແກ່ບັນດາວິສາຫະກິດເຄື່ອນໄຫວຜະລິດ, ດຳເນີນທຸລະກິດໃນບໍລິເວນ. ແຂວງ ກາເມົາ ໄດ້ຈັດຕັ້ງງານພົບປະສັງສັນເຊື່ອມຕໍ່ວິສາຫະກິດແຂວງກາເມົາ ປີ 2020 ແລະ ເປີດຕົວໂຄງການ “ກາເຟເຊື່ອມຕໍ່ວິສາຫະກິດ”. ກ່າວຄຳເຫັນທີ່ງານພົບປະສັງສັນ, ທ່ານ ເລກວນ, ປະທານຄະນະກຳມະການປະຊາຊົນ ແຂວງ ກາເມົາ ໃຫ້ຮູ້ວ່າ:

        “ກາເຟ ເຊື່ອມຕໍ່ວິສາຫະກິດ” ຈະແກ້ໄຂບັນດາບັນຫາໃຫຍ່ກວ່າອີກ. ນັ້ນແມ່ນ ເຮັດແນວໃດເພື່ອເພີ່ມທະວີກຳລັງຄວາມສາມາດໃຫ້ວິສາຫະກິດທ້ອງຖິ່ນ. ພິເສດແມ່ນ, ເຮັດແນວໃດເພື່ອໃຫ້ວິສາຫະກິດຢູ່ແຂວງ ກາເມົາ ເຊື່ອມຕໍ່ກັບບັນດານັກລົງທຶນໃຫຍ່, ບັນດາວິສາຫະກິດໃຫຍ່ພາຍໃນປະເທດ ແລະ ຕ່າງປະເທດໄດ້. ຈາກນັ້ນ, ພ້ອມກັນຂຸດຄົ້ນບັນດາຄວາມສາມາດບົ່ມຊ້ອນ ແລະ ທ່າແຮງຂອງແຂວງ”.

ງານພົບປະກັບບັນດາວິສາຫະກິດແຂວງກວ໋າງນິງ ເນື່ອງໃນໂອກາດສະເຫຼີມສະຫຼອງວັນນັກທຸລະກິດຫວຽດນາມ (ພາບ: nongnghiep.vn)

        “ປີ 2020, ບັນດານັກທຸລະກິດ, ວິສາຫະກິດ ໄດ້ມານະພະຍາຍາມພ້ອມກັບແຂວງ ກວ໋າງນິງ ປະຕິບັດລື່ນກາຍສະມັດຕະພາບ, ຍົກສູງຄຸນນະພາບ ແລະ ປະສິດທິຜົນ, ກຳລັງຄວາມແກ້ງແຍ້ງຂອງຜະລິດຕະພັນ… ປະກອບສ່ວນເຂົ້າໃນການພັດທະນາຂອງແຂວງ ຫຼາຍກວ່າອີກ.

        ວັນທີ 12 ຕຸລາ, ສູນກາງຄົ້ນຄວ້າພັດທະນາເຄື່ອງໝາຍການຄ້າ ຫວຽດນາມ ໄດ້ສົມທົບກັບບັນດາກະຊວງ, ຂະແໜງການ ຈັດຕັ້ງພິທີ ຍ້ອງຍໍຊົມເຊີຍ “ວິສາຫະກິດຫວຽດນາມທີ່ເປັນແບບຢ່າງໃນການປະດິດຄິດສ້າງ ແລະ ຜະລິດຕະພັນ, ການບໍລິການ, ຄຸນນະພາບທີ່ໄດ້ຮັບຄວາມໄວ້ວາງໃຈປີ 2020” ຢູ່ນະຄອນໂຮ່ຈີມິນ.