(vovworld) - ຕອນບ່າຍວັນທີ 21/8, ບັນດາລົດທີ່ຂົນສົ່ງສະມາຊິກຜູ້ສຸດທ້າຍຂອງຄະນະນັກສັງເກດການສະຫະປະຊາຊາດຢູ່ ຊີຣີ ໄດ້ອອກຈາກ Damacus ເພື່ອໄປຍັງນະຄອນຫຼວງ Beirut ຂອງ Lebanon. ພາຍຫຼັງ 4 ເດືອນປະຕິບັດພາລະກຳຕິດຕາມກວດກາຄຳສັ່ງຢຸດຍິງລະຫວ່າງກອງທັບລັດຖະບານຂອງປະທານາທິບໍ Bashar Al Assad ແລະ ຝ່າຍຄ້ານໃນທົ່ວປະເທດແຕ່ບໍ່ບັນລຸຜົນສຳເລັດ, ວັນທີ 19/8, ນັກສັງເກດການການທະຫານທັງໝົດເຊິ່ງລວມມີ 300 ທ່ານຂອງສະຫະປະຊາຊາດ ໄດ້ຢຸດຕິທຸກໆວຽກງານຂອງຕົນຢູ່ປະເທດຕາເວັນອອກກາງນີ້. ຕາມແຜນການແລ້ວ, ນັກສັງເກດການຜູ້ສຸດທ້າຍຈະເດີນທາງອອກຈາກ ຊີຣີ ຊ້າທີ່ສຸດແມ່ນວັນທີ 24/8 ຈະມາເຖິງ.
ແລະກໍໃນວັນດຽວກັນ, ທ່ານ Qadri Jamil, ຮອງນາຍົກລັດຖະມົນຕີ ຊີຣີ, ຮັບຜິດຊອບກ່ຽວກັບບັນດາບັນຫາເສດຖະກິດ ປະກາດວ່າ: ຊີຣີ ພ້ອມແລ້ວທີ່ຈະປຶກສາຫາລືເລື່ອງລາອອກຈາກຕຳແໜ່ງຂອງປະທານາທິບໍດີ Bashar al Assad, ເພື່ອແນໃສ່ຢຸດຕິສະພາບການນອງເລືອດເຊິ່ງເຮັດໃຫ້ມີຜູ້ເສຍຊີວິດ 23.000 ຄົນໃນຕະຫຼອດ 17 ເດືອນຜ່ານມາ. ແຕ່ເຖິງຢ່າງໃດກໍຕາມ, ທ່ານຮອງນາຍົກລັດຖະມົນຕີ Jamil ກໍປະຕິເສດເລື່ອງທ່ານປະທານາທິບໍດີ Al Assad ລາອອກຈາກຕຳແໜ່ງບໍ່ແມ່ນເງື່ອນໄຂທີ່ບັນດາການເຈລະຈາໃນອະນາຄົດຄື: ຝ່າຍຄ້ານ, ອາເມລິກາ ແລະ ບັນດາປະເທດຝ່າຍຕາເວັນຕົກ ຮຽກຮ້ອງ.