ປະທານປະເທດເຈືອງເຕີນຊາງຢ້ຽມຢາມ,ອວຍພອນປີໃໝ່ຢູ່ແຂວງບັກກ້ານ
ພາບປະກອບ
|
(vovworld) – ວັນທີ 17/2, ເນື່ອງໃນໂອກາດບຸນປີໃໝ່ປະຈຳຊາດປີວອກ 2016, ທ່ານປະທານປະເທດ ເຈືອງເຕີນຊາງ ແລະ ຄະນະປະຕິບັດງານຂັ້ນສູນກາງໄດ້ລົງຢ້ຽມຢາມ ແລະ ອວຍພອນປີໃໝ່ອຳນາດການປົກຄອງ ແລະ ປະຊາຊົນແຂວງ ບັກກ້ານ. ເມື່ອຮັບຟັງບັນດາຂໍ້ສະເໜີຂອງພະນັກງານຫຼັກແຫຼ່ງຂອງແຂວງ, ທ່ານປະທານປະເທດ ສະເໜີໃຫ້ແຂວງ ບັກກ້ານ ສືບຕໍ່ສຸມໃສ່ໃຫ້ແກ່ທ່າແຮງດ້ານກະສິກຳ - ປ່າໄມ້ຂອງແຂວງ, ເລືອກເຟັ້ນບັນດາໂຄງການວິທະຍາສາດກ້າວໜ້າ. ທ່ານປະທານປະເທດ ສະເໜີໃຫ້ບັນດາຂະແໜງການຂັ້ນສູນກາງ ພ້ອມກັບແຂວງ ບັກກ້ານພິຈາລະນາ, ຊອກຫາກົນໄກເໝາະສົມເພື່ອຊຸກຍູ້ບັນດາໂຄງການປຸງແຕ່ງເຄື່ອງປ່າຂອງດົງ, ບັນດາໂຄງການທ່ອງທ່ຽວຈຸດສຸມ, ເພື່ອແນໃສ່ມີຜະລິດຕະພັນອອກສູ່ຕະຫຼາດ, ແກ້ໄຂການເກັບຊື້ແຫຼ່ງວັດຖຸດິບໃຫ້ແກ່ປະຊາຊົນ, ເພີ່ມຈຳນວນແຂກທ່ອງທ່ຽວເຂົ້າມາທ່ອງທ່ຽວໃນບໍລິເວນແຂວງ.