(VOVWORLD) - ໃນເອກະສານສະບັບຕ່າງໆຂອງກອງປະຊຸມໃຫຍ່ ຄັ້ງທີ 13 ຂອງ ພັກກອມມູນິດ ຫວຽດນາມ ມີຫຼາຍເນື້ອໃນໄດ້ເຕື້ອງເຖິງມາດຕະການພັດທະນາກະສິກຳ, ຊາວກະສິກອນ, ຊົນນະບົດໃນໄລຍະຍູ້ແຮງການຫັນປະເທດເປັນອຸດສາຫະກຳ ແລະ ທັນສະໄໝ ແລະ ເຊື່ອມໂຍງເຂົ້າກັບສາກົນ.
 ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ເລມິນຮວານ (ພາບ: dangcongsan.vn) |
ຕາມທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ເລມິນຮວານ ແລ້ວ, ໃນໄລຍະຈະມາເຖິງ, ຫວຽດນາມ ຕ້ອງນຳເສດຖະກິດຮ່ວມມື, ເສດຖະກິດລວມໝູ່, ເຊິ່ງແກ່ນສານ ແມ່ນສະຫະກອນ ຢູ່ໃນທີ່ຕັ້ງທີ່ເໝາະສົມກັບວິວັດການສ້າງໂຄງປະກອບຂະແໜງກະສິກຳຄືນໃໝ່. ຖືນີ້ແມ່ນວິທີໜຶ່ງເພື່ອໃຫ້ຂະແໜງກະສິກຳ ຫວຽດນາມ ລົບລ້າງຮູບແບບການຜະລິດແບບກະແຈກກະຈາຍຄືໃນໄລຍະຜ່ານມາ. ທ່ານ ເລມິນຮວານ ກ່າວວ່າ:
“ວຽກງານທີ່ພວກເຮົາຕ້ອງເຮັດແມ່ນຮ່ວມມື ແລະ ຮ່ວມສຳພັນ. ຕະຫຼາດຈະມີການດັດປັບຄືນການຜະລິດ, ຂອບຂະໜາດ, ມາດຕະຖານທາງດ້ານເຕັກນິກ…. ນັ້ນກໍແມ່ນບັນດາເນື້ອໃນ ເຊິ່ງໃນເອກະສານຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງ ພັກ ໄດ້ວາງອອກ.”
ໃນເອກະສານກອງປະຊຸມໃຫຍ່ຄັ້ງທີ 13 ຂອງພັກໄດ້ກຳນົດຢ່າງຈະແຈ້ງວ່າ ຈະມຸ່ງໄປເຖິງການກະເສດປອດສານພິດ, ການກະເສດອົງຄະທາດ, ການກະເສດຍືນຍົງ ແລະ ໝູນວຽນ. ເພື່ອຜັນຂະຫຍາຍໄດ້ການກຳນົດທິດດັ່ງກ່າວ, ທ່ານຮອງລັດຖະມົນຕີ ເລມິນຮວານ ໃຫ້ຮູ້ວ່າ:
“ຂະແໜງກະສິກຳນົດວ່າ ຈະບໍ່ອາດຍ້ອນການເຕີບໂຕ ເພື່ອເຮັດໃຫ້ຂາດຄວາມດຸ່ນດ່ຽງໃນລະບົບຊີວະພາບ ຫຼື ເຮັດໃຫ້ຊີວະນາໆພັນຖືກຫຼຸດໜ້ອຍຖອຍລົງ, ຊ້ຳບໍ່ໜຳ ແມ່ນເຮັດໃຫ້ເສຍຊື່ສຽງ, ເສຍເຄື່ອງໝາຍການຄ້າຂອງຜະລິດຕະພັນກະເສດ ຫວຽດນາມ ອີກດ້ວຍ”
ທ່ານກໍຖືວ່າ, ໃນວິວັດການຫັນປ່ຽນເປັນການກະເສດຊີວະພາບ, ຫວຽດນາມ ຈະຄັດເລືອກ ແລະ ຖອດຖອນບົດຮຽນໃນການພັດທະນາກະສິກຳຂອງບັນດາປະເທດຄື ຍີ່ປຸ່ນ, ສ.ເກົາຫຼີ, ອິດສະຣາແອັນ, ໄທ…ຕື່ມອີກ.