ຜູ້ມີສິດເລືອກຕັ້ງທົ່ວປະເທດໄວ້ວາງໃຈຕໍ່ສະພາແຫ່ງຊາດຊຸດທີ14
(ພາບປະກອບ)
(vovworld) - ກອງປະຊຸມສະໄໝສາມັນຄັ້ງປະຖົມມະເລີກ ສະພາແຫ່ງຊາດຊຸດທີ 14 ຖືກໄຂຂຶ້ນຢ່າງເປັນທາງການໃນວັນທີ 20/07 ຢູ່ຮ່າໂນ້ຍ. ນີ້ແມ່ນກອງປະຊຸມສະໄໝສາມັນທີ່ມີຄວາມໝາຍສຳຄັນ, ສ້າງປະຖົມປັດໃຈໃຫ້ການເຄື່ອນໄຫວຂອງສະພາແຫ່ງຊາດໃນອາຍຸການ. ເຫດການການເມືອງສຳຄັນນີ້ ໄດ້ດຶງດູດຄວາມສົນໃຈຈາກບັນດາຜູ້ມີສິດເລືອກຕັ້ງໃນທົ່ວປະເທດ. ຜູ້ມີສິດເລືອກຕັ້ງ ຟ້າມຊວນຕ່ວານ ເມືອງ ເຈີ໋ນອຽນ ແຂວງ ອຽນບ໋າຍ ສະແດງຄວາມເຫັນວ່າ:
“ໃນກອງປະຊຸມສະໄໝສາມັນຄັ້ງປະຖົມມະເລີກ, ຂ້າພະເຂົ້າຫວັງວ່າ ສະພາແຫ່ງຊາດເລືອກຕັ້ງໄດ້ບັນດາການນຳຫຼັກແຫຼ່ງ ເພື່ອຊີ້ນຳນຳພາປະເທດຊາດ ສະພາແຫ່ງຊາດຈະເລືອກເຟັ້ນບັນດາຜູ້ມີຄຸນສົມບັດ ແລະ ມີຄວາມເກັ່ງກ້າສາມາດ ເພື່ອຮັບໃຊ້ພາລະກິດສ້າງສາປະເທດຊາດ ແລະ ຮັບໃຊ້ປະຊາຊົນໃຫ້ດີກ່ວາ. ຫວັງວ່າ ບັນດາສະມາຊິກສະພາແຫ່ງຊາດ ຈະປະກອບສ່ວນສ້າງສາປະເທດຊາດໃນໄລຍະເຊື່ອມໂຍງເຂົ້າກັບສາກົນ, ພິເສດແມ່ນຮັກສາໄດ້ຜືນແຜນດິນໃຫ້ໄດ້ຢ່າງໝັ້ນຄົງ ເພື່ອໃຫ້ປະຊາຊົນອຸ່ນອ່ຽນໃຈພັດທະນາເສດຖະກິດ. ສະເພາະນະໂຍບາຍຮັບປະກັນຊີວິດສັງຄົມ ຕ້ອງເອົາໃຈໃສ່ຫລາຍກ່ວາ ໂດຍສະເພາະແມ່ນນະໂຍບາຍກັບຜູ້ມີຄຸນງາມຄວາມດີ, ຜູ້ເຖົ້າ, ຜູ້ຢູ່ໂດດດ່ຽວ ກໍ່ຄືບັນດານະໂຍບາຍໃຫ້ຄົນພິການ.”
ເມື່ອຮັບຟັງບົດກ່າວປາໄສຂອງທ່ານເລຂາທິການໃຫຍ່ ຫງວຽນຟຸ໋ຈ້ອງ ທີ່ວາລະໄຂ, ຜູ້ມີສິດເລືອກຕັ້ງ ໂງຈີ໋ລອງ ເມືອງ ເກົ່າໄຢ ຮ່າໂນ້ຍ ກໍ່ດີໃຈທີ່ສຸດຕໍ່ບັນດາຄວາມຮຽກຮ້ອງເຊິ່ງທ່ານເລຂາທິການໃຫຍ່ໄດ້ວາງອອກ. ນັ້ນກໍ່ແມ່ນຄວາມມຸ່ງຫວັງຂອງຜູ້ມີສິດເລືອກຕັ້ງໃນທົ່ວປະເທດ. ຜູ້ມີສິດເລືອກຕັ້ງ ໂງຈີ໋ລອງ ເວົ້າວ່າ:
“ສະພາແຫ່ງຊາດແມ່ນອົງການນິຕິບັນຍັດ, ສ້າງລະບອບການ, ປະກາດໃຊ້ກົດໝາຍ. ຜູ້ມີສິດເລືອກຕັ້ງທົ່ວປະເທດຫວັງວ່າ: ກົດໝາຍປະກາດໃຊ້ຕ້ອງກ້າວເຂົ້າສູ່ການດຳລົງຊີວິດ. ອີກບັນຫາໜຶ່ງນັ້ນແມ່ນ ໃນອົງການນິຕິບັນຍັດຕ້ອງປະກາດໃຊ້ລະບອບ ເພື່ອຫລີກລ້ຽງຜົນປະໂຫຍດກຸ່ມ ທີ່ກໍ່ຄວາມເສຍຫາຍໃຫ້ລັດ, ສັງຄົມ ແລະ ປະຊາຊົນ. ຄວາມມຸ່ງຫວັງໜຶ່ງອີກ ນັ້ນ ແມ່ນຕ້ານການສໍ້ລາດບັງຫລວງຢ່າງຂ້ຽວຂາດ, ປະຕິບັດບົກບາດຂອງຕົນໃນທຸກຂົງເຂດເປັນຢ່າງດີ, ຕິດຕາມກວດກາຕ້ານການສໍ້ລາດບັງຫລວງ, ຕິດຕາມກວດກາໃນຂົງເຂດລົງທຶນ, ການຈັດຕັ້ງພະນັກງານ… ”