(ພາບປະກອບ)
(vovworld) - ຕາມລາຍການເຮັດວຽກຂອງກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຊຸດທີ 13, ອາທິດນີ້, ເລີ່ມຕົ້ນການເລືອກຕັ້ງບັນດາຕຳແໜ່ງຫຼັກແຫຼ່ງຄື: ປະທານປະເທດ, ປະທານສະພາແຫ່ງຊາດ, ນາຍົກລັດຖະມົນຕີ. ນີ້ແມ່ນບັນຫາທີ່ໄຜູ້ມີສິດເລືອກຕັ້ງເປັນຈຳນວນຫລວງຫລາຍມີຄວາມເອົາໃຈໃສ່ເປັນພິເສດ ແລະ ສະແດງຄວາມມຸ່ງຫວັງຕໍ່ບັນດາຜູ້ທີ່ໄດ້ຮັບເລືອກຕັ້ງໃຫ້ດຳລົງຕຳແໜ່ງດັ່ງກ່າວ. ທ່ານ ເກີ່ມຈີ໋ກຽນ, ຜູ້ມີສິດເລືອກຕັ້ງນະຄອນ ເຊີນລາ ໃຫ້ຮູ້ວ່າ:
“ນີ້ແມ່ນບັນຫາໃໝ່ ເພາະວ່າ ໃນສະພາແຫ່ງຊາດບັນດາຊຸດກ່ອນ ແມ່ນຕ້ອງເຖິງກອງປະຊຸມສະໄໝສາມັນເທື່ອທີ 1 ຈຶ່ງເລືອກຕັ້ງບັນດາຕຳແໜ່ງຫຼັກແຫຼ່ງນີ້ ແຕ່ໃນຄັ້ງນີ້ ໃນກອງປະຊຸມສະໄໝສາມັນເທື່ອສຸດທ້າຍ ໄດ້ເລືອກຕັ້ງບັນດາຕຳແໜ່ງຫຼັກແຫຼ່ງແລ້ວ. ຂ້າພະເຈົ້າມີຄວາມມຸ່ງຫວັງ ແລະ ເຊື່ອໝັ້ນວ່າ ຈະເລືອກຕັ້ງບັນດາຕຳແໜ່ງຫຼັກແຫຼ່ງແມ່ນປະທານສະພາແຫ່ງຊາດ, ປະທານປະເທດ, ນາຍົກລັດຖະມົນຕີໄດ້ ຮັບປະກັນດ້ານຄຸນນະພາບຖືກຕ້ອງຕາມຄວາມຮຽກຮ້ອງໃນໄລຍະປະຈຸບັນ”.
ສ່ວນປ້າ ກາທິຖວາ ນະຄອນ ເຊີນລາ ປາດຖະໜາວ່າ:
“ຂ້າພະເຈົ້າປາດຖະໜາວ່າ: ໃນອາຍຸການຈະມາເຖິງ ບັນດາຜູ້ທີ່ໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນ ຕ້ອງພະຍາຍາມສະຫງວນເວລາລົງຮາກຖານຫລາຍກ່ວາ, ພົບປະກັບປະຊາຊົນຫລາຍກ່ວາ ແລະ ສຸມໃສ່ແກ້ໄຂບັນດາສິ່ງທີ່ຍົງຄົງຄ້າງຂອງປະຊາຊົນ”.