(VOVWORLD) -ຄະນະນັກກິລາ ຮ່າໂນ້ຍ ມີສະມາຊິກ 322 ຄົນ. ບັນດານັກກິລາຂອງຄະນະນັກກິລາ ຮ່າໂນ້ຍ ໄດ້ເຂົ້າຮ່ວມແຂ່ງຂັນ 37 ປະເພດ; ຄວ້າໄດ້ຫຼຽນຄຳ 62 ຫຼຽນ, ຫຼຽນເງິນ 35 ຫຼຽນ ແລະ ຫຼຽນທອງ 54 ຫຼຽນ.
 (ທ່ານເລຂາຄະນະພັກນະຄອນ ຮ່າໂນ້ຍ ດິງຕຽນຢຸງ ກ່າວຄຳເຫັນທີ່ພິທີ)
|
ວັນທີ 27 ພຶດສະພາ, ນະຄອນ ຮ່າໂນ້ຍ ໄດ້ຈັດພິທີຍ້ອງຍໍ ແລະ ມອບລາງວັນໃຫ້ຄູຝຶກ, ນັກກິລາ ຮ່າໂນ້ຍ ບັນລຸຜົນງານສູງທີ່ງານມະຫາກຳກິລາອາຊີຕາເວັນອອກສ່ຽງໃຕ້ ຄັ້ງທີ 31 (SEA Games 31).
ທີ່ພິທີ, ທ່ານເລຂາຄະນະພັກນະຄອນ ຮ່າໂນ້ຍ ດິງຕຽນຢຸງ ໄດ້ຊົມເຊີຍບັນດາຜົນງານດີເດັ່ນເຊິ່ງຄູຝຶກ, ນັກກິລາຂອງຄະນະນັກກິລາ ຮ່າໂນ້ຍ ທີ່ SEA Games 31 ເຊິ່ງໄດ້ປະກອບສ່ວນສຳຄັນເຂົ້າໃນຜົນງານລວມຂອງຄະນະນັກກິລາ ຫວຽດນາມ. ທ່ານ ດິງຕຽນຢຸງ ຖືວ່າ, ຄວນມີບັນດາກົນໄກ, ນະໂຍບາຍໜູນຊ່ວຍ, ຍ້ອງຍໍຢ່າງທັນການ ກໍຄືສ້າງເງື່ອນໄຂເພື່ອໃຫ້ບັນດາຄະນະນັກກິລາໄດ້ພົບປະແລກປ່ຽນ, ຖອດຖອນບົດຮຽນ, ຍົກສູງຄຸນນະທາດໃນການແຂ່ງຂັນໃນງານແຂ່ງຂັນກິລາສາກົນ.
ເຂົ້າຮ່ວມ SEA Games 31 ຄັ້ງນີ້, ຄະນະນັກກິລາ ຮ່າໂນ້ຍ ມີສະມາຊິກ 322 ຄົນ. ບັນດານັກກິລາຂອງຄະນະນັກກິລາ ຮ່າໂນ້ຍ ໄດ້ເຂົ້າຮ່ວມແຂ່ງຂັນ 37 ປະເພດ; ຄວ້າໄດ້ຫຼຽນຄຳ 62 ຫຼຽນ, ຫຼຽນເງິນ 35 ຫຼຽນ ແລະ ຫຼຽນທອງ 54 ຫຼຽນ.