ທ່ານຮອງນາຍົກລັດຖະມົນຕີ ຫວູດືກດາມກ່າວຄຳເຫັນນະພິທີ
|
(vovworld)- ຕອນບ່າຍວັນທີ 27/2 ຢູ່ ຮ່າໂນ້ຍ, ວິທະຍຸກະຈາຍສຽງຫວຽດນາມ ຈັດຕັ້ງພິທີປະກາດອອກອາກາດລາຍການເພື່ອສຸຂະພາບແລະຄວາມປອດໄພຫລັກອະນາໄມດ້ານອາຫານໃນຄື້ນ FM 89. ທ່ານຮອງນາຍົກລັດຖະມົນຕີ ຫວູດືກດາມ, ທ່ານນາງລັດຖະມົນຕີກະຊວງສາທາລະນະສຸກ ຫງວຽນທິກີມຕຽນ, ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ຫງວຽນເທກີ໋ ພ້ອມກັບຜູ້ແທນທີ່ຕາງຫນ້າໃຫ້ບັນດາອົງການ, ກະຊວງຂະແຫນງການເຂົ້າຮ່ວມເປັນຈຳນວນຫລວງຫລາຍ. ລາຍການດັ່ງກ່າວຈະອອກອາກາດໃນເວລາ 17 ຊົ່ວໂມງ, ແຕ່ 6 ໂມງເຊົ້າຮອດ 23 ໂມງທຸກມື້ ແລະ ເລີ່ມຕົ້ນແຕ່ວັນທີ 27/2. ກ່າວຄຳເຫັນນະພິທີ, ທ່ານຮອງນາຍົກລັດຖະມົນຕີ ຫວູດືກດາມ ເນັ້ນຫນັກວ່າ:
“ພວກເຮົາມີຫົວຄິດປະດິດສ້າງໃນການນຳໃຊ້ເຕັກໂນໂລຊີໃຫມ່, ມີຫົວຄິດປະດິດສ້າງໃນການຈັດຕັ້ງປະຕິບັດ. ຊອກທຸກວິທີເພື່ອແຊກຊືມເຂົ້າພຶດຕິກຳເພື່ອພົວພັນຕິດຕໍ່ກັບທຸກຄົນ, ເຮັດແນວໃດນຳເອົາຄວາມຮູ້ກ່ຽວກັບຫລັກອະນາໄມຄວາມປອດໄພດ້ານອາຫານແຜ່ລາມອອກສູ່ວົງກວ້າງໃນສັງຄົມ ແລະ ສິ່ງສຳຄັນທຸກຄົນຮ່ວມແຮງຮ່ວມໃຈເພື່ອຮັບປະກັນຫລັກອະນາໄມຄວາມປອດໄພດ້ານອາຫານ, ເພື່ອປະຕິບັດວຽກງານເບິ່ງແຍງສຸຂະພາບໃຫ້ປະຊາຊົນໃຫ້ເປັນຢ່າງດີ.”