ພິທີສະເຫຼີມສະຫຼອງ70ປີແຫ່ງວັນເລືອກຕັ້ງທົ່ວປະເທດທຳອິດຢູ່ນາມດິ້ງ
( ທ່ານຮອງນາຍົກລັດຖະມົນຕີ ຫວູວັນນີງ )
(vovworld) – ຕອນເຊົ້າວັນທີ 05/01, ຢູ່ນາມດິ້ງ, ທ່ານຮອງນາຍົກລັດຖະມົນຕີ ຫວູວັນນີງ ເຂົ້າຮ່ວມງານພົບປະສັງສັນສະເຫຼີມສະຫຼອງ 70 ປີແຫ່ງວັນເລືອກຕັ້ງສະພາແຫ່ງຊາດທົ່ວປະເທດ ຫວຽດນາມ ຊຸດທຳອິດ ບັນດາຜູ້ແທນໄດ້ທົບທວນຄືນໄລຍະທາງປະຫວັດສາດ 70 ປີຂອງສະພາແຫ່ງຊາດ ແລະ ທັງຢືນຢັນວ່າ: ເຫດການໃນວັນທີ 6/1/1946 ໄດ້ເປັນຂີດໝາຍປະຫວັດສາດອັນສະຫງ່າລາສີຂອງ ຫວຽດນາມ ເປັນຂີດໝາຍບາດກ້າວພັດທະນາກະໂດດຂັ້ນກ່ຽວກັບລະບອບປະຊາທິປະໄຕ, ເປີດໄລຍະພັດທະນາໃໝ່ຂອງຊົນຊາດ. ເປັນຄັ້ງທຳອິດໃນປະຫວັດສາດ, ປະເທດຊາດບໍ່ພຽງແຕ່ກາຍເປັນປະເທດເອກະລາດ ຫາກຍັງແມ່ນອົງການແຫ່ງລັດ ດ້ວຍພື້ນຖານ ແລະ ຖານະນິຕິກຳອັນຄົບຖ້ວນ, ຕາງໜ້າໃຫ້ເຈດຈຳນົງ, ຄວາມມຸ່ງມາດປາດຖະໜາ ແລະ ສິດເປັນເຈົ້າຂອງປະຊາຊົນ, ຕາງໜ້າປະຊາຊົນຕັດສິນບັນດາບັນຫາສຳຄັນຂອງປະເທດຊາດ. ບັນດາສະມາຊິກສະພາແຫ່ງຊາດຖືວ່າ: ສະພາແຫ່ງຊາດ ຫວຽດນາມ ນັບມື້ນັບເຕີບໃຫຍ່ເຂັ້ມແຂງ ແລະ ເສີມຂະຫຍາຍສິດເປັນເຈົ້າຂອງປະຊາຊົນໃນທຸກຂົງເຂດຂອງສັງຄົມຢ່າງມີປະສິດທິຜົນ.