ວາລະປະຊຸມຂອງລັດຖະບານປະຈຳເດືອນ 5
(ພາບ: chinhphu.vn)
(vovworld) – ຕອນເຊົ້າວັນທີ 26/5, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕິ໋ຢຸງ ໄດ້ເປັນປະທານວາລະປະຊຸມຂອງລັດຖະບານປະຈຳເດືອນ 5, ຕີລາຄາສະພາບການເສດຖະກິດສັງຄົມໃນເດືອນ 5 ແລະ ໃນ 5 ເດືອນຕົ້ນປີ 2013; ສຸມໃສ່ໝາກຜົນແຫ່ງການປະຕິບັດມະຕິ 01 ແລະ 02 ຂອງລັດຖະບານກ່ຽວກັບບັນດາມາດຕະການຕົ້ນຕໍ່ໃນການຊີ້ນຳບໍລິຫານການປະຕິບັດແຜນການພັດທະນາເສດຖະກິດ - ສັງຄົມ ແລະ ບາງມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດ ດຳເນີນທຸລະກິດ, ໜູນຊ່ວຍຕະຫຼາດ, ແກ້ໄຂໜິ້ເສຍ. ໃນວາລະປະຊຸມຄັ້ງນີ້, ລັດຖະບານກໍ່ພິຈາລະນາ ໃຫ້ຄຳເຫັນ ກ່ຽວກັບບາງບັນຫາສຳຄັນອື່ນໆ. ຕາມການຕີລາຄາແລ້ວ, ໃນ 5 ເດືອນຕົ້ນປີ 2013, ເສດຖະກິດມະຫາພາກໃນເບື້ອງຕົ້ນບັນລຸໄດ້ບັນດາໝາກຜົນທີ່ຕັ້ງໜ້າ, ຖືກທິດ. ໄພເງິນເຟີ້ສືບຕໍ່ຖືກຄວບຄູມ, ດັດສະນີລາຄາເດືອນ 5 ຫຼຸດລົງ 0,06% ເມື່ອທຽບໃສ່ເດືອນ 4. ການສົ່ງອອກໃນ 5 ເດືອນຕົ້ນປີສືບຕໍ່ຮັກສາທ່າເຕີບໄຕສູງ, ດ້ວຍເກືອບ 50 ຕຶ້ USD, ເພີ່ມຂຶ້ນກວ່າ 15% ເມື່ອທຽບໃສ່ໄລຍະດຽວກັນຂອງປີກາຍ, ການນຳເຂົ້າວັດຖຸອຸປະກອນຮັບໃຊ້ການຜະລິດ ດຳເນີນທຸລະກິດ ກໍ່ມີທ່າອ່ຽງເພີ່ມຂຶ້ນຄືນໃໝ່.
ທີ່ການປະຊຸມຂ່າວນັດສາມັນເດືອນ 5/2013, ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານ ຫວູດຶກດາມ ໃຫ້ຮູ້ວ່າ, ໃນໄລຍະຈະມາເຖິງ, ເລື່ອງກຳນົດທິດບໍລິຫານຂອງລັດຖະບານ ຈະສືບຕໍ່ຍືດໝັ້ນຄາດໝາຍໃຫຍ່ທີ່ໄດ້ວາງອອກນັບແຕ່ຕົ້ນປີ. ໃນນັ້ນ, ມີບັນດານະໂຍບາຍ, ແຜນນະໂຍບາຍໄດ້ຮັບການປະກາດໃຊ້. ວຽກງານຕ້ອງເຮັດໃນປະຈຸບັນ ກໍ່ຄືໃນໄລຍະຈະມາເຖິງ ແມ່ນການຈັດຕັ້ງປະຕິບັດ, ພິເສດແມ່ນເອົາໃຈໃສ່ເປັນພິເສດເຖິງນະໂຍບາຍໃຫຍ່ຈຳນວນໜຶ່ງ ເຊິ່ງຍັງບໍ່ທັນໄດ້ຮັບການຜັນຂະຫຍາຍ.