(ພາບປະກອບ)
(vovworld)-ສືບຕໍ່ວາລະປະຊຸມຄັ້ງທີ 20, ຕອນເຊົ້າວັນທີ 19/8, ຄະນະປະຈຳສະພາແຫ່ງຊາດໄດ້ປຶກສາຫາລືກ່ຽວກັບບັນດາບັນຫາສຳຄັນທີ່ຍັງມີຄຳເຫັນແຕກຕ່າງກັນຂອງຮ່າງກົດໝາຍວ່າດ້ວຍການຕ້ອນຮັບພົນລະເມືອງ. ຜ່ານການປຶກສາຫາລື, ບັນດາສະມາຊິກໃນຄະນະປະຈຳສະພາແຫ່ງຊາດ ໄດ້ເຫັນດີເປັນເອກະສັນໂດຍຖືວ່າ: ກົດໝາຍພຽງແຕ່ກຳນົດກ່ຽວກັບການຕ້ອນຮັບພົນລະເມືອງຂອງບັນດາອົງການແຫ່ງລັດ, ອົງການການເມືອງ, ອົງການການເມືອງສັງຄົມເທົ່ານັ້ນ, ບໍ່ຄວນກຳນົດຄວາມຮັບຜິດຊອບຕ້ອນຮັບພົນລະເມືອງຂອງອົງການສັງຄົມ, ວິຊາຊີບ, ຫົວໜ່ວຍພາລະກິດຂອງລັດ. ທ່ານຮິງຫງອກເຊີນ ຮອງປະທານສະພາແຫ່ງຊາດສະເໜີວ່າ:
“ຂ້າພະເຈົ້າສະເໜີໃຫ້ມີການກຳນົດແມ່ນ ແຕ່ລະອາທິດ ຫລືແຕ່ລະເດືອນຈະຕ້ອນຮັບພົນລະເມືອງເທື່ອໜຶ່ງ, ສະເໜີໃຫ້ສະພາແຫ່ງຊາດ, ບັນດາອົງການຂອງສະພາແຫ່ງຊາດແກ້ໄຂວຽກງານຕ່າງໆຂຶ້ນກັບສິດອຳນາດຂອງສະພາແຫ່ງຊາດຄື: ສ້າງກົດໝາຍ, ຕິດຕາມກວດກາ ຫລືຕັດສິນບັນດາບັນຫາສຳຄັນ ຫຼືບັນດາບັນຫາໃນສິດອຳນາດຂອງສະພາແຫ່ງຊາດ. ພ້ອມກັນນັ້ນແມ່ນສົ່ງໃບຮ້ອງທຸກ, ກ່າວຟ້ອງ, ຂໍ້ສະເໜີ ໄປຍັງບັນດາອົງການມີຄວາມຮັບຜິດຊອບແກ້ໄຂ ແລະ ຮຽກຮ້ອງໄລຍະເວລາແກ້ໄຂ ແລະ ລາຍງານຕໍ່ສະພາແຫ່ງຊາດ“.