ພາບປະກອບ:internet
|
(vovworld)- ຕອນເຊົ້າວັນທີ 14/12 ຢູ່ ນະຄອນ ໂຮ່ຈິມີນ, ກົມຄຸ້ມຄອງ ການແພດ ການຢາພື້ນເມືອງ ໄດ້ຈັດຕັ້ງກອງປະຊຸມສຳມະນາສາກົນ ກ່ຽວກັບການບຳລຸງສ້າງຮູບແບບອາສາສະໝັກແພດໝໍ ແລະ ນາຍໝໍການແພດພື້ນເມືອງໃນບັນດາປະເທດ ອາຊຽນ. ດ້ວຍພື້ນານການແພດພື້ນເມືອງມີມາແຕ່ດົນນານ ແລະ ມີຜົນງານຫລາຍຢ່າງ, ຫວຽດນາມ ໄດ້ຄັດເລືອກເປັນປະເທດຮັບບຳລຸງສ້າງການແພດພື້ນເມືອງໃຫ້ບັນດາປະເທດໃນປະຊາຄົມ ອາຊຽນ. ຫວຽດນາມ ຈະສ້າງແຜນຮ່າງກ່ຽວກັບຮູບແບບບຳລຸງສ້າງອາສາສະໝັກແພດໝໍ ແລະ ນາຍໝໍການແພດພື້ນເມືອງ. ອາສາສະໝັກແພດໝໍ ໄດ້ຮັບການບຳລຸງສ້າງກ່ຽວກັບຄວາມຮູ້ຫນູນຊ່ວຍວົງຄະນາຍາດ, ເປັນຕົ້ນແມ່ນຜູ້ທຸກຍາກ ໃນການປ້ອງກັນ ແລະ ຄວບຄຸມໂລກລະບາດດ້ວຍການແພດພື້ນເມືອງ. ຮູບແບບບຳລຸງສ້າງດັ່ງກ່າວແມ່ນຮູບແບບລວມໃຫ້ບັນດາປະເທດ ອາຊຽນ. ເລື່ອງຜັນຂະຫຍາຍຮູບແບບນີ້ຕ້ອງເໝາະສົມກັບສະພາບການຢູ່ແຕ່ລະປະເທດສະມາຊີກ ຈະປະກອບສ່ວນຍົກສູງປະສິດທິຜົນການເບິ່ງແຍງສຸຂະພາບໃນເບື້ອງຕົ້ນໃຫ້ປະຊາຄົມ ອາຊຽນ.