ພາບປະກອບ

ຕອນຄ່ຳວັນທີ 2 ມິຖຸນາ, ທີ່ກອງປະຊຸມຖະແຫຼງຂ່າວນັດສາມັນຂອງລັດຖະບານ ຢູ່ຮ່າໂນ້ຍ, ທ່ານ ມາຍຕ໊ຽນຢຸງ ຫົວໜ້າຫ້ອງວ່າການລັດຖະບານໃຫ້ຮູ້ວ່າ ບັນດາທ້ອງຖິ່ນຕ້ອງແກ້ໄຂຂໍ້ຄົງຄ້າງ, ສ້າງເງື່ອນໄຂເພື່ອໃຫ້ບັນດານັກຊ່ຽວຊານ, ແຮງງານລະດັບສູງກັບມາເຮັດວຽກຢູ່ຫວຽດນາມພາຍຫຼັງ ໂລກລະບາດ Covid – 19. ທ່ານກ່າວວ່າ:

        ປັດຈຸບັນຕ້ອງຍູ້ໄວການເຮັດລະບຽບການໃຫ້ແກ່ບັນຫາຂອງບັນດານັກຊ່ຽວຊານ, ແຮງງານເຕັກນິກ. ຍົກຕົວຢ່າງຄື ນັກຊ່ຽວຊານ, ແຮງງານຕ່າງປະເທດມີລະດັບສູງຢູ່ແຂວງໃດ ແຂວງນັ້ນຕ້ອງຮັບຜິດຊອບກ່ຽວກັບຮາກຖານແຍກຕົວ ແລະ ການຄຸ້ມຄອງ. ອາດຈະແຍກຕົວຢູ່ຮາກຖານ ຫຼືນຳໃຊ້ບ່ອນພັກພາອາໄສ, ໂຮງຈັກ , ໂຮງງານ ,  ຫ້ອງການ, ວິສາຫະກິດຂອງທ້ອງຖິ່ນເປັນບ່ອນແຍກຕົວບັນດານັກຊ່ຽວຊານ, ແຮງງານທາງດ້ານເຕັກນິກລະດັບສູງ. ສິ່ງນີ້ສຳຄັນທີ່ສຸດ. ຖ້າຫາກວ່າປະຕິບັດໄດ້ເປັນຢ່າງດີ, ຫວຽດນາມຈະຟື້ນຟູການຜະລິດໂດຍໄວ, ເປີດກ້ວາງການລົງທຶນ, ສ້າງຄວາມສະດວກໃຫ້ແກ່ສະພາບແວດລ້ອມແຫ່ງການລົງທຶນ.

        ກ່ອນໜ້ານັ້ນ, ລັດຖະບານຫວຽດນາມໄດ້ມີແຜນນະໂຍບາຍອະນຸຍາດໃຫ້ບັນດານັກຊ່ຽວຊານຮັບໃຊ້ໃນບັນດາໂຮງງານ, ໂຄງການໃຫຍ່ກັນມາ ເພື່ອຟື້ນຟູການຜະລິດ, ດຳເນີນທຸລະກິດແຕ່ຕ້ອງຮັບປະກັນຕາມການຮຽກຮ້ອງຕ້ອງການໃນການປ້ອງກັນ, ສະກັດກັ້ນໂລກລະບາດ.