(vovworld) – ວັນທີ 20/5, ບັນດາເຈົ້າໜ້າທີ່ການຄ້າ ສ. ເກົາຫຼີ ແລະ ຫວຽດນາມ ໄດ້ເລີ່ມດຳເນີນຮອບເຈລະຈາຄັ້ງທີ 5 ກ່ຽວກັບສັນຍາການຄ້າເສລີ (FTA) 2 ຝ່າຍຢູ່ ເຊີອູນ, ໃນສະພາບການທີ່ 2 ປະເທດພວມມານະພະຍາຍາມສິ້ນສຸດວິວັດການເຈລະຈາ FTA ກ່ອນທ້າຍປີນີ້. ຮອງເຈລະຈາທີ 5 ຈະແກ່ຍາວຮອດວັນທີ 23/5 ດ້ວຍເລື່ອງ 2 ຝ່າຍສຸມໃສ່ດຳເນີນການປຶກສາຫາລືເລິກກ່ຽວກັບບັນດາຂົງເຂດຄື: ການຄ້າ, ບໍລິການ, ການລົງທຶນ, ແຫຼ່ງຜະລິດສິນຄ້າ, ລະບຽບການພາສີ ແລະ ການຮ່ວມມື. ແຈ້ງການຂອງກະຊວງການຄ້າ, ອຸດສາຫະກຳ ແລະ ພະລັງງານ ສ. ເກົາຫຼີ ໃຫ້ຮູ້ວ່າ: ເມື່ອ FTA ສ. ເກົາຫຼີ ແລະ ຫວຽດນາມ ໄດ້ຮັບການລົງນາມຈະເປີດກາລະໂອກາດເພື່ອເພີ່ມທະວີບັນດາສາຍພົວພັນທາງດ້ານເສດຖະກິດ ແລະ ການຄ້າ 2 ຝ່າຍກ່ວາອີກ ຜ່ານນັ້ນອະນຸຍາດໃຫ້ຫັນຕະຫຼາດການຄ້າ ແລະ ການລົງທຶນເປັນເສລີກ່ວາເມື່ອທຽບໃສ່ FTA ລະຫວ່າງ ສ. ເກົາຫຼີ - ອາຊຽນ.