ທ່ານຮອງນາຍົກລັດຖະມົນຕີ ຫວຽດນາມ ເລແທັງລອງ ກ່າວຄຳເຫັນ (ພາບ: TTXVN)

        ວັນທີ 29 ພະຈິກ, ກະຊວງສາທາລະນະສຸກ ຫວຽດນາມ ໄດ້ຈັດງານຊຸມນຸມມິດຕິງສະໜັບສະໜູນວັນໂລກປ້ອງກັນ, ຕ້ານ AIDS (01 ທັນວາ) ດ້ວຍຫົວຂໍ້ “ຄວາມຍຸຕິທຳ, ສະເໝີພາບໃນການສຳຜັດກັບການບໍລິການປ້ອງກັນ, ຕ້ານການຕິດເຊື້ອ HIV ໂລກ AIDS - ມຸ່ງໄປເຖິງການຢຸດຕິພະຍາດ AIDS ໃນປີ 2030”, ຕາມຮູບແບບເຊິງໜ້າ, ສົມທົບກັບທາງໄກ.

        ກ່າວຄຳເຫັນຢູ່ສະຖານທີ່ເຊື່ອມຕໍ່ຢູ່ ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ເລແທັງລອງ, ປະທານຄະນະກຳມະການແຫ່ງຊາດ ການປ້ອງກັນ, ຕ້ານ AIDS, ຢາເສບຕິດ, ໂສເພນີ, ຮຽກຮ້ອງໃຫ້ປະຊາຊົນແຕ່ລະຄົນ, ແຕ່ລະອົງການຈັດຕັ້ງ, ວົງຄະນະຍາດ ແລະ ແຕ່ລະປະເທດ ຈົ່ງຮ່ວມແຮງຮ່ວມໃຈມີການກະທຳ, ແບ່ງປັນໜ້າທີ່ຄວາມຮັບຜິດຊອບ ແລະ ສະແດງຈິດໃຈກ້າແກ່ນເພື່ອປົກປ້ອງສຸດຂະພາບຂອງຕົນເອງ ແລະ ວົງຄະນະຍາດ. ເພື່ອປະຕິບັດເປົ້າໝາຍຢຸດຕິພະຍາດ AIDS ໃນປີ 2030, ທ່ານຮອງນາຍົກລັດຖະມົນຕີສະເໜີວ່າ:

        “ຂະແໜງສາທາລະນະສຸກຕ້ອງສ້າງເງື່ອນໄຂສະດວກໃຫ້ແກ່ປະຊາຊົນໄດ້ສຳພັດກັບບັນດາການບໍລິການປ້ອງກັນ, ຕ້ານການຕິດເຊື້ອ HIV ໂລກ AIDS. ຍົກສູງກຳລັງຄວາມສາມາດດ້ານວິຊາສະເພາະ, ວິຊາການ ແລະ ມີໂຍບາຍສອດຄ່ອງໃຫ້ຖັນແຖວປະຕິບັດວຽກງານປ້ອງກັນ, ຕ້ານການຕິດເຊື້ອ HIV ໂລກ AIDS. ສຳລັບຜູ້ຕິດເຊື້ອ HIV ຕ້ອງມີການສັງເກດທີ່ຕັ້ງໜ້າກວ່າ, ມີຈີນຕະນາການໃໝ່ກ່ຽວກັບການຮ່ວມດຳລົງຊີວິດກັບ HIV”.

ທ່ານນາງ ດ່າວຮົ່ງລານ, ລັດຖະມົນຕີກະຊວງສາທາລະນະສຸກ ຫວຽດນາມ (ພາບ: TTXVN)

        ທີ່ພິທີ, ທ່ານນາງ ດ່າວຮົ່ງລານ, ລັດຖະມົນຕີກະຊວງສາທາລະນະສຸກ ຫວຽດນາມ ໃຫ້ຮູ້ວ່າ, ພາຍຫຼັງໄລຍະເກືອບ 35 ປີແຫ່ງການຜັນຂະຫຍາຍ, ປະຕິບັດໂຄງການປ້ອງກັນ, ຕ້ານ HIV/AIDS ຢູ່ ຫວຽດນາມ ບັນລຸໄດ້ໝາກຜົນຕັ້ງໜ້າຫຼາຍຢ່າງ.

        “ຫວຽດນາມ ກໍ່ແມ່ນໜຶ່ງໃນບັນດາປະເທດນຳໜ້າໂລກກ່ຽວກັບຄຸນນະພາບການປິ່ນປົວ HIV ດ້ວຍກວ່າ 97% ຜູ້ຕິດເຊື້ອ HIV ໄດ້ຮັບການປີ່ນປົວດ້ວຍຢາຕ້ານ HIV. ມີຫຼາຍຮູບແບບ, ຂໍ້ລິເລີມກ່ຽວກັບການສະໜອງບັນດາການບໍລິການປ້ອງກັນ, ຕ້ານການຕິດເຊື້ອ HIV ໂລກ AIDS ທີ່ໄດ້ຮັບການຄົ້ນຄວ້າ, ນຳໃຊ້ ແລະ ຜັນຂະຫຍາຍໃຫ້ສອດຄ່ອງ, ຜ່ານນັ້ນ, ຍາມໃດກໍ່ຮັກສາການຄວບຄຸມໂລກລະບາດ HIV ໃນເຂດຊຸມຊົນຢູ່ລະດັບຕ່ຳກວ່າ 0,3%, ກ້າວໄປເຖິງເຜົ້າໝາຍ 95-95-95 ຕາມຍຸດທະສາແຫ່ງຊາດໄດ້ວາງອອກເທື່ອລະກ້າວ.”