ທ່ານຮອງລັດຖະມົນຕີກະວງຕຳຫຼວດຫວຽດນາມ ເລເຕີ໊ນເຕີ໊ຍ ເປັນປະທານການຖະແຫຼງຂ່າວ (ພາບ: tuoitre.vn)

     ການຈັດຕັ້ງກອງປະຊຸມແມ່ນ ເພື່ອແນໃສ່ປະຕິບັດພັນທະ ແລະ ຄວາມຮັບຜິດຊອບຂອງ ຫວຽດນາມ ໃນ ອາຊຽນ, ປະກອບສ່ວນເຂົ້າໃນຜົນສຳເລັດລວມຂອງປີປະທານໝູນວຽນ ອາຊຽນ 2020 ຂອງ ຫວຽດນາມ; ຢັ້ງຢືນບົດບາດ, ຄວາມຮັບຜິດຊອບສາກົນ, ຄຳໝັ້ນສັນຍາດ້ານການເມືອງຢ່າງແຮງ ແລະ ການເປັນເຈົ້າການ, ຕັ້ງໜ້າຂອງ ຫວຽດນາມ ໃນການຮ່ວມມືກັບສາກົນ ກ່ຽວກັບການປ້ອງກັນ, ຕ້ານອາດຊະຍາກຳຂ້າມຊາດ.

        ທີ່ກອງປະຊຸມ, ລັດຖະມົນຕີຮັບຜິດຊອບກ່ຽວກັບການປ້ອງກັນ, ຕ້ານອາດຊະຍາກຳຂ້າມຊາດຂອງບັນດາປະເທດ ອາຊຽນ ໄດ້ເຫັນດີເປັນເອກະພາບຕໍ່ບັນດາມາດຕະການເພື່ອຊຸກຍູ້ບັນດາເປົ້າໝາຍທີ່ໄດ້ວາງອອກໃນ ແຜນການດຳເນີນງານ ອາຊຽນ ກ່ຽວກັບການປ້ອງກັນ, ຕ້ານອາດຊະຍາກຳຂ້າມຊາດ ໄລຍະ 2016 – 2025; ພ້ອມທັງຮັບຮູ້ ແລະ ຮັບຮອງເອົາບັນດາເອກະສານກ່ຽວກັບຂໍ້ລິເລີ່ມ, ແນວຄວາມຄິດຂອງບັນດາປະເທດສະມາຊິກໃນກົນໄກການປ້ອງກັນ, ຕ້ານອາດຊະຍາກຳຂ້າມຊາດ. ສິ້ນສຸດກອງປະຊຸມຄົບຄະນະ, ລັດຖະມົນຕີຮັບຜິດຊອບກ່ຽວກັບການປ້ອງກັນ, ຕ້ານອາດຊະຍາກຳຂ້າມຊາດຂອງບັນດາປະເທດ ອາຊຽນ ຈະພ້ອມກັນຮັບຮອງເອົາຖະແຫຼງການຮ່ວມ.