ສະຖານທີ່ເກີດເຫດ (ພາບ: REUTERS/Adnan Abidi)

ວັນທີ 12 ພະຈິກ, ລັດຖະບານ ອິນເດຍ ໄດ້ປະກາດເຫດລະເບີດລົດທີ່ເກີດຂຶ້ນໃນຕອນຄ່ຳວັນທີ 10 ພະຈິກ ໃກ້ກັບເຂດປ້ອມແດງ (Red Fort) ຢູ່ນະຄອນ New Delhi ແມ່ນການກະທຳກໍ່ການຮ້າຍ. ຖະແຫຼງການໄດ້ຍົກອອກມາພາຍຫຼັງກອງປະຊຸມ ຄະນະລັດຖະບານ ໂດຍທ່ານ Amit Shah ລັດຖະມົນຕີກະຊວງພາຍໃນເປັນປະທານໃນວັນທີ 12 ພະຈິກ. ກ່ອນໜ້ານັ້ນ, ທ່ານ Narendra Modi ນາຍົກລັດຖະມົນຕີ ອິນເດຍ ໄດ້ຮຽກໂຮມປະຊຸມດ່ວນຂອງຄະນະກຳມະການຄວາມໝັ້ນຄົງຄະນະລັດຖະບານ (CCS) ເພື່ອຕີລາຄາກ່ຽວກັບສະພາບການ ແລະ ຊີ້ນຳການສືບສວນພາຍຫຼັງສິ້ນສຸດການຢ້ຽມຢາມ ຢູ່ Bhutan. ເລື່ອງຢັ້ງຢືນຢ່າງເປັນທາງການວ່າ ນີ້ແມ່ນການກະທຳກໍການຮ້າຍ ໄດ້ອະນຸຍາດໃຫ້ບັນດາອົງການເຈົ້າໜ້າທີ່ນຳໃຊ້ບັນດາມາດຕະການທາງດ້ານນິຕິກຳທີ່ແຂງກວ່າ, ລວມມີການລົບລ້າງທຸກການຍົກເວັ້ນດ້ານຄວາມໝັ້ນຄົງທີ່ກ່ຽວຂ້ອງ ແລະ ເລີ່ມຕົ້ນວິວັດການສືບສວນທາງອາຍາ ຕາມກອບກົດໝາຍວ່າດ້ວຍການຕ້ານການກໍ່ການຮ້າຍທີ່ພວມການປະກາດໃຊ້.