(ພາບປະກອບ: vietnamplus.vn)
(vovworld)- ວັນທີ 28/3, ຢູ່ນະຄອນ Nay oi Taw ຂອງມຽນມາ, ໄດ້ຈັດກອງປະຊຸມສຳມະນາກ່ຽວກັບການນຳພາສະຫະສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ປີ 2014 ໂດຍກະຊວງການຕ່າງປະເທດມຽນມາ, ຄະນະເລຂາອາຊຽນ ແລະ ໂຄງການບຳລຸງສ້າງ ແລະ ໜູນຊ່ວຍດ້ານເຕັກນິກອາຊຽນ-ອາເມລິກາ ໂດຍລັດຖະບານອາເມລິກາ ອຸປະຖຳ ເພື່ອແນໃສ່ຊ່ວຍມຽນມາ ໃນວຽກງານກະກຽມຮັບບົດບາດເປັນປະທານໝູນວຽນອາຊຽນ ໃນປີ 2014. ກ່າວຄຳເຫັນທີ່ພິທີໄຂ, ທ່ານຮອງລັດຖະມົນຕີການຕ່າງປະເທດມຽນມາ Kyaw U Thant ໄດ້ຕີລາຄາສູງເລື່ອງໄດ້ຮັບການແບ່ງປັນບົດຮຽນຈາກບັນດາປະທານອາຊຽນ ອາຍຸການຜ່ານມາ ແລະ ຄະນະເລຂາອຊຽນ, ພ້ອມທັງເນັ້ນຫນັກວ່າ ກອງປະຊຸມສຳມະນາຈະຊ່ວຍມຽນມາ ສືບຕໍ່ເສີມຂະຫຍາຍບັນດາກຳລັງໜູນທີ່ໄດ້ສ້າງຂຶ້ນກ່ອນນີ້ໃຫ້ແກ່ການພັດທະນາ ແລະ ເຊື່ອມຈອດຂອງອາຊຽນ ໃນວິວັດການເຊື່ອມໂຍງຂອງອາຊຽນ ໃນປີ 2015.